Од Дебар, во реканскиот крај, во сабота Петре Шилегов, носител на кандидатската листа на СДСМ од изборната единица 6 порача дека овој крај е богат, но граѓаните го имаат истиот проблем како секаде, младите си заминуваат.

„Маките во Дебар се исто големи како и секаде, особено прашањето за иселувањето на младите. Социјалдемократскиот сојуз токму заради тоа и го состави Планот за живот во Македонија, да ги задржиме младите да живеат овде, во ова прекрасно место. Да ја изградиме инфраструктурата достојна на дебарчани. Да не ги кршат ниту автомобилите по патот по кој што возат, ниту пак да имаат проблем со комуникацијата. Дебар мора да биде поврзан со остатокот од Македонија со една современа, со една современа сообраќајница“, рече Шилегов.

На тој начин, ќе може да се развие и туризмот, да се развие еколошкиот туризам, и да се
задржат младите, да отвараат сопствени бизниси.

„Токму заради тоа Социјалдемократскиот сојуз на Македонија во сопствената програма предвидува 10.000 евра, неповратна помош за најдобрите бизнис идеи. Меѓутоа и за помагање на бизнисите на младите, кредити државни од 15.000 евра со само 1 процент камата, за да тие деца застанат на своите нозе, за да тие деца останат овде, го развијат бизнисот, заработат за добар и за подобар живот. Самовработувањето е еден од најдобрите начини, овдека се еснафлии луѓе, дуќанџии луѓе, знаат дека тоа може да го направат и таа иницијатива кај луѓето мораме да ја помогнеме“, рече Шилегов./крај/со/бб