Специјалното јавно обвинителство со полициска асистенција одзело документација од Централниот регистер, бидејќи не им ги дал документите кои ги барале во рок од 30 дена со образложение дека барањето било нејасно.

„Ова Јавно обвинителство постапувајќи по наредба на Судија на претходна постапка, во текот на вчерашниот ден пристапи кон одземање на предмети – документација од Централниот регистар на Република Македонија. Наредбата е издадена по барање на ова Јавно обвинителство, откако Централниот регистар во рок од 30 дена не постапи по нашето барање и единствено не извести дека барањето било нејасно, иако во неколку наврати имаше телефонска комуникација со јавни обвинители и истражители во насока на појаснување што се е предмет на нашето барање“, соопштуваат од Специјалното јавно обвинителство.Како што соопштуваат од СЈО, во вторникот вечерта воспоставиле соработка со Централниот регистар и доставен е дел од бараната документација. „Имајќи предвид дека се работи за голем обем на документација, во деновите што следат ќе биде одземена целокупната документација која е наведена во наредбата за одземање на предмети, за што благовремено ќе Ве информираме. Воедно изразуваме уверување дека добро воспоставената соработка со Централниот регистар ќе продолжи и во иднина“, се додава во соопштението.Републичкото јавно обвинителство испрати демант на информациите објавени во неколку медиуми, во врска со наводно спроведување на контра-акција со вршење влијание на вработените во Централниот регистар, за да не се појават на работа.„Истакнуваме дека ширењето вакви шпекулации ја доведува во заблуда јавноста, која за секое постапување на јавните обвинителства е навремено и точно информирана од страна на Службата за односи со јавноста во Јавното обвинителство“, реагираат од Обвинителството./крај/мф/ффс