Скопје
Арсовска се сретна со колешката од Драч
Градоначалничката на Град Скопје, Данела Арсовска оствари официјална работна средба со градоначалничката на Драч, Емиријана Сако на која се разговараше на повеќе теми за меѓусебна соработка на двата града, размена на искуства, како и отпочнување конкретна соработка.
На средбата разговараа потенцијалот за раст на трговската размена во сегментот на туризмот, соработка во областа на образованието и културата.
Воедно, на средбата беше договорена соодветна динамика што води кон конкретна соработка за имплементација на проекти кои се од взаемен интерес на двата града, а која започнува со посета на делегација со претставници на релевантните сектори од двата града. Градот Драч е пристанишен град, втор град по број на население во Албанија, кој претставува историски, културен, туристички центар и е еден од главните економски центри во државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Променливо облачно време со повремени врнежи од дожд
Променливо облачно со повремени врнежи од дожд, особено во источните делови. Наместа ќе има услови за појава на ретки грмежи. Ќе дува умерен до засилен ветер од југоисточен правец (над 60 km/h). Минималната температура ќе биде во интервал од 7 до 13, а максималната ќе достигне од 15 до 21 степен.
Во Скопје променливо облачно со повремени врнежи од дожд. Ќе дува умерен до засилен ветер од југоисточен правец. Минималната температура ќе се спушти до 12, а максималната ќе достигне до 19 степени.
Во петок ќе настапи преодно стабилизирање на времето со пораст на температурата. Од сабота кон крајот на денот повторно се очекува нестабилно време со локален пороен дожд и грмежи. Наместа процесите ќе бидат поинтензивни во форма на невреме.
Скопје
Делови од општина Карпош денеска без струја
ЕВН Македонија АД известува дека денеска без електрична енергија ќе останат делови од општина Карпош.
· во пеиодот од 09.00 до 15.00 часот дел од корисниците во село Горно Нерези во општина Карпош.
· во периодот од 09.00 до 14.00 часот корисниците од дел од улицата Ринхини и улицата Езерци – населба Влае во општина Карпош.
Скопје
Герасимовски: Пријавувајте проблеми со јавната чистота
Граѓаните може да пријават косење трева, реконструкција и санација на урбана опрема или собирање смет на јавните површини под надлежност на Општина Центар на телефонскиот број 076 350 767. Општина Центар и ЈП „Паркинзи на Општина Центар“ ги потсетуваат граѓаните дека проблемите поврзани со јавната чистота и други комунални проблеми може да ги пријават на општинските служби и хигиеничарите на ПОЦ да ги решат. Градоначалникот на општина Центар, Горан Герасимовски, известува дека досега на телефонската линија во ПОЦ се јавиле 159 граѓани кои побарале одредена услуга и за неа добиле решение.
„Ги повикувам граѓаните да ги пријавуваат проблемите. Хигиеничарите ги извршуваат своите дневни обврски по реони, меѓутоа свесни сме дека многу бргу по чистењето на одредена локација, пак може да се направи мала депонија или слично, затоа упатувам апел граѓаните да ги пријавуваат проблемите на телефонскиот број со цел службите побргу да ги решаваат проблемите со јавната хигиена. Во делот на урбаната опрема, службите на ЈП ПОЦ може да ги побарате и доколку во вашата околина има скршена клупа што треба да се реконструира, искршена лулашка или слично. Верувам дека ова ќе придонесе да имаме побрзи резултати и зголемување на јавната хигиена во општината“, повикува Герасимовски.
Герасимовски исто така праќа апел граѓаните да пријавуваат собирање кабаст отпад во сопствените домови, а не кревети, вц-школки и одредени габаритни работи да исфрлаат сами и тие да стојат на одредена локација со денови. Општината Центар потенцира дека доколку граѓаните бидат начекани дека оставаат кабаст отпад пред контејнерите, ќе бидат санкционирани од страна на комунален инспектор. Во меѓувреме, цистерната на ПОЦ неколкупати во неделата ги мие улиците и контејнерите со цел да ја отстрани непријатна миризба и да ги освежи улиците од насобрана прашина, информираат од Општината.