Скопје
Кисела Вода спроведе акција за помош на опожарените семејства
Во текот на вчерашниот ден, Општина Кисела Вода, во соработка со „Комунална хигиена“ – Скопје, спроведе акција за изнесување кабаст отпад од опожарените станови на семејствата од зградата на улицата Народни херои и негово транспортирање до Дрисла.
Од Општината информираат дека во акцијата од опожарените станови се исфрли изгорениот материјал – врати, мебел, итн., со што беа собрани четири камиони кабаст отпад.
„Акцијата е продолжување на активностите на Општина Кисела Вода за помош на граѓаните што беа дел од немилиот настан. Имено, веднаш по пожарот, за секојдневно расчистување на изгорениот материјал од становите, беа ангажирани дванаест до петнаесет сезонски работници со соодветна опрема обезбедена од Општината, како заштитни маски, ракавици, работнички костими, чизми, лопати, метли и канти. Отпадот беше пренесуван со камион. До вчера, 25.6.2019 година, собрани се 7.500 тони кабаст отпад.
Дополнително, Општина Кисела Вода на граѓаните од опожарените станови им помага и во делот со сместувањето. Во преговори сме и со повеќе компании од овој дел на градот, кои ќе ја покажат својата општествена одговорност и ќе им помогнат на граѓаните што претрпеа штета кога тие ќе ја достават потребната документација“, велат од Општина Кисела Вода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.