Скопје
Богата новогодишна програма на плоштад Македонија, за дочекот настап на Тамара и Оливер Драгојевиќ
Тамара Тодевска и Оливер Драгојевиќ ќе бидат главните ѕвезди за дочекот на Новата 2016 година на плоштадот Македонија.
„Веќе сме на прагот на дочекот на 2016 година, градот е накитен и се отворени штандови за граѓаните на плоштадот Филип Втори и Плоштад Македонија, односно е исполнет со новогодишна еуфорија во стилот на големите европски градови“, рече скопскиот градоначалник Коце Трајановски.
Според програмата, на 26 декември граѓаните на Скопје ќе ги забавуваат уличните музичари, на 27 декември ќе се одржи Дедомразовската трка во организација на Пивара-Скопје, на 31 декември во претпладневните часови ќе почне денската прослава, која е наменета за најмалите, во организација на Скопје Сити Мол, а вечерта забавната програма за новогодишната ноќ ќе почне 21:30 часот со настапот на ДЈ, а потоа ќе следуваат настапите на Тамара Тодевска, Оливер Драгоевиќ и повторно ќе настапи ДЈ.
„Се надевам дека Плоштадот Македонија ќе биде местото каде што граѓаните ќе се забавуваат и ќе уживаат и во програмата и во огнометот и затоа ги поканувам сите граѓани да дојдат и таму да ја прослават Новата 2016 година“, истакна градоначалникот Трајановски.
„Како и изминатите години со задоволство учествуваме во подготвувањето на програмата за време на новогодишните празници и очекуваме граѓаните да уживаат во целовечерните концерти на познати музички ѕвезди“, рече Димитар Ковачевски, извршен директор на Област за комуникација во Македонски Телеком.
„Дедомразовската трка би сакале да претставува импулс за граѓаните што ќе се пријават да водат активен и избалансиран живот“, изјави Катерина Хаџи Андревска Ничевска, претставник од Пивара Скопје.
Мирјана Андонова од Сити Мол најави дека на 31 декември, точно напладне, граѓаните на Градот Скопје и оваа година заедно со своите најмили ќе имаат можност традиционално да го пречекаат Дедо Мраз, кој ќе пристигне на Плоштад Македонија придружуван од парада на маскоти, како и многу интересни моменти кои на децата ќе им предизвикаат радост, среќа и уживање.
Новогодишната програма годинава ќе почне со Дедомразовска трка, што ќе се одржи во недела на 27 декември, во центарот на Скопје.
Ова ќе биде второ издание на трката во која учесниците облечени во дедомразовски костуми ќе се натпреваруваат и ќе се забавуваат. Должината на патеката е само 1,5 километри и можат да ја истрчаат и деца во придружба на родители. Пријавувањето се одвива преку веб страницата www.prvdovrv.mk.
Патеката по која ќе се трча започнува од плоштадот Македонија кон портата Македонија, па во правец на Градската болница, новата зграда на МНР после мостот кај Холидеј Ин, па покрај кејот на Вардар кон Археолошкиот музеј, плоштадот Филип Втори, Камениот мост, до целта на Поштадот Македонија.
Детската програма на 31 декември ќе започне во 11:40 часот со театарска претстава „Волшебниот глас на Кралица Слаткица“, потоа следува пристигнувањето на Дедо Мраз заедно со парада на маскоти од цртаните филмови, а на крајот ќе можат да се чујат најпопуларните детски песни во изведба на Златните славејчиња.
Забавната програма за Новогодишната ноќ ќе почне 21:30 часот со настапот на ДЈ, а потоа ќе следуваат настапите на Тамара Тодевска, Оливер Драгоевиќ и повторно ќе настапи ДЈ. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Општина Кисела Вода и Факултетот за физичко образование почнуваат соработка: обука за наставниците за работа со деца со посебни потреби
Градоначалничката на општина Кисела Вода, Бети Стаменкоска-Трајкоска, оствари средба со проф. д-р Влатко Неделковски, декан на Факултетот за физичко образование, спорт и здравје. На овој работен состанок, соговорниците дискутираа за унапредување на можностите и квалитетот на наставата по физичко образование во основните училишта, како и за важноста на нејзината инклузивност.
Средбата претставува почеток на институционална соработка меѓу општина Кисела Вода и Факултетот за физичко образование, спорт и здравје, насочена кон поддршка на наставниците, промоција на здрави навики и создавање инклузивна средина во спортот и образованието. Како прв заеднички чекор, постигнат е договор наставниците по физичко образование од основните училишта во Општина Кисела Вода да поминат обука за работа со деца со посебни потреби, која ќе започне во декември, известува Општината.

Оваа обука има за цел да обезбеди пристапност, разбирање и соодветен пристап кон секое дете, со што ќе се придонесе кон еднакви можности и поголема интеграција во наставниот процес.

-Ми беше драго што се запознавме со активностите на факултетот и што заеднички можеме да направиме повеќе за здравјето и развојот на децата, особено на оние со попреченост. Со деканот, проф. д-р Неделковски, разговаравме и за други можности за соработка, кои ќе придонесат за зајакнување на спортот и физичката култура кај најмладите. Во фокусот на мојата работа како градоначалник ќе биде унапредувањето на спортската инфраструктура, но и подобрувањето на наставата по физичко образование, како и обезбедувањето еднакви можности за сите деца, без исклучок- изјави градоначалничката Стаменкоска-Трајкоска.
Македонија
Делови од Центар, Зелениково и Ѓорче Петров денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 08.30 до 10.00 часот, дел од корисниците од улиците Самоилова и Јоаким Крчовски, како и објектот на Музејот на Современа Уметност, општина Центар;
– во периодот од 08.30 до 15.00 часот, корисниците од селата Зелениково, Ново Село, Страхојадица и Смесница, општина Зелениково;
– во периодот од 09.00 до 15.00 часот, корисниците лоцирани околу ул. Австралиска бр. 5 во населба Даме Груев, општина Ѓорче Петров.
Скопје
Градоначалничката на Кисела Вода почнува со приемни денови за граѓаните
Во насока на транспарентно и отчетно работење и со цел директна комуникација со жителите, градоначалничката на Општина Кисела Вода, Бети Стаменкоска-Трајкоска, од оваа сабота започнува со приемни денови за граѓаните.
Како што информира општината, на овој начин се воспоставува отворен и непосреден контакт со жителите, што ќе овозможи поефикасно решавање на нивните проблеми и унапредување на квалитетот на живот во општината.
Приемните денови ќе се одржуваат во просториите на Општина Кисела Вода. Заинтересираните граѓани можат да ја закажат средбата секој работен ден, од понеделник до петок, во периодот од 08:00 до 16:00 часот, на телефонскиот број 02/2785-401.
По пријавувањето, граѓаните ќе бидат дополнително известени за точното време на нивната средба.

