Во текот на изминатата недела (25.06 – 1.7.2020 година) со специјалните возила „пајак“ се подигнати вкупно 143 возила од јавните површини. Од вкупниот број непрописно паркирани и подигнати возила, 33 се отстранети од зонските паркиралишта, а другите 110 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

Контролорите на зонските паркиралишта во истиот период санкционирале вкупно 166 возила, поради нерегулирано паркирање, односно за неплатена паркинг-услуга. Од нив, 33 возила се отстранети со пајак-службата, поради пречекорување на дозволеното време на задржување на паркиралиштето.

Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС-орака или со греб-картичка.

Поради технички зафати во дистрибутивната електромрежа, утре без електрична енергија ќе останат:

Од 9:00 до 12:30 часот, корисниците од дел од ул. Бутелски венец и ул. 1174, дел од бул. Македонско-косовска бригада (опш. Шуто Оризари, Чаир )

Од 8:25 до 12:00 часот, корисниците од бул. Борис Трајковски, објектите спроти фабрика „Охис“, прва и главна капија (Ник Велк, Дизајн Пинтија и Електоконтакт) и објектите во и околу бивши „Типо“ и „Градинар Лозар“ (опш. Кисела Вода)

Од 9:30 до 13:00 часот, корисниците од ул. 1171, ул. Гарсија Лорка ( бр. 20 до бр. 160), ул. Брсјачка буна (од бр. 140 до бр. 190), ул. Морава, ул. Антони Дворжак, ул. Гвадалахара (од бр. 70 до бр. 150), ул. Хаџи Јован Шишков (од бр. 70 до бр. 100) (опш. Шуто Оризари )

Од 4:00 до 4:30 часот, корисниците од поголем дел од централното градско подрачје, дел од населба Пролет, јавните институции и другите објекти на кеј на Вардар, плоштад Карпошово востание, Веро Џамбо, дел кај Зелен пазар, дел од Кисела Вода од зградата Пегла до Технички преглед (опш. Центар, Кисела Вода )

Општина Кисела Вода информира дека една од нејзините партнерски невладини организации, социјалното претпријатие „Нега плус“ со поддршка од USAID North Macedonia во рамки на проектот Civic Engagement Project-North Macedonia, нуди бесплатна помош на стари и изнемоштени лица.

Сите заинтересирани лица на кои им е потребна помош при подготовка на храна, пазарање, одржување  хигиена во нивните домови, при пресоблекување и бањање, можат да ја побараат со јавување на тимот на „Нега плус“, на телефонскиот број 070 299 026.