Скопје
Паркот во Капиштец комплетно се уредува
Во тек е комплетно уредување на паркот во Капиштец, кој ќе се простира на 20. 000 метри квадратни, во средишен простор помеѓу 12 згради. Oд нив, 12.450 метри квадратни ќе бидат зелена површина.
Се градат две детски игралишта и едно кошаркарско игралиште со соодветна подлога за таков тип на спорт, две групации на подни прскалки, се поставува нова урбана опрема ( клупи, корпи, паркиралишта за велосипеди) со уникатен изглед, по кој паркот ќе биде препознатлив. На детските игралишта ќе се стави подлога од гумени плочи со дебелина од 5 сантиметри.
Металната ограда е заменета со уникатна ограда од ламелирани дрвени греди, а ќе има два типа осветлување: амбиентално и високо осветлување со канделабри,
„Паркот повеќе години беше запуштен. Дрвјата беа високо израснати, така што во борба за светлина голем број од дрвјата се искривени, делумно деградирани или потполно исушени. За таа цел беше потребна санитарна сеча на исушените високи растенија што изгледаа запуштено и претставуваат опасност од паѓање при појак ветер. Отстранети се стари и деградирани јаболкови дрвја, оревите кои ја поклопуваа декоративната вегетација, извадени се корења од сите исечени дрвја кои беа пречка за слободно трчање на децата“, соопштуваат од локалната власт.
Општина Центар ќе засади 60 различни видови садници, 18 нови зимзелени дрвја, 6шест цветни листопадни, шест високи грмушки, 582 цветни листопадни и зимзелени грмушки кои цветаат во различни делови од годината, 104 листопадни грмушки, 430 зимзелени грмушки, 184 покривачи, 4.010 перени, 20 парчиња високи украсни треви, 870 ниски украсни треви и 1.450 парчиња локовици и тоа лалиња, нарциси и мускари
Извршено е кроење на сите гранки до висина на стеблото од четири метри.
Со ваквиот концепт на уредување, паркот добива свеж и уреден лик, со задржување на речиси сето постоечко зеленило, освен комплено исушените или 80 насто деградирани дрвја.
Општина Центар го исчисти целиот шут околу зградите, сменет е горниот слој на земјата со нов хумусен дел.
Поставен е автоматски систем за полевање, ископани се два бунара од кои прскалките ќе црпат техничка вода за наводнување.
„Ова ќе биде парк за сите вкусови и за цело семејство“, велат од Општина Центар. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје в сабота
Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена улицата „Самоилова“ на потегот од улицата „Иљо Војвода“ (виадукт Самоилова) до крстосница со улицата „Прохор Пчински“.
Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.
На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.
Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон село Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.