Скопје
Се приближува стартот на најголемата спортска манифестација во Скопје
„Ако сакаш да трчаш, истрачај милја. Ако сакаш да искусиш поразличен живот, трчај на маратон“, рече своевремено познатиот тркач на долги патеки, Емил Затопек од Чешка, добитник на три златни медала во 1952 на летната Олимпијада во Хелсинки.
„Ако сакаш да трчаш, истрачај милја. Ако сакаш да искусиш поразличен живот, трчај на маратон“, рече своевремено познатиот тркач на долги патеки, Емил Затопек од Чешка, добитник на три златни медала во 1952 на летната Олимпијада во Хелсинки.
Оваа мисла не е далеку од вистината, бидејќи како што се доближува 8-ми мај, денот за кога е закажана најпознатата спортска маниестација низ скопските улици, така бројот на пријавени учесници на Виз Ер Скопскиот Маратон постојано се зголемува. Според бројот на пријавените учесници досега, организаторите на Виз Ер Скопски Маратон 2016, најавуваат дека годинешното издание ќе биде најмасовно досега.
„Веќе имаме повеќе од 6.000 пријавени натпреварувачи и вљубеници во трчањето од повеќе од 45 земји во светот за стандардните трки – маратонот (42.195км), полумаратонот (21.097км) како и трката на 5 километри, кои и оваа година се главно обележје на маратонот. Не помалку голема е заинтересираноста за штафетниот маратон. Пријавувањето трае до 29-ти април, или додека не се пополнат квотите. Би сакал да ги повикам и потсетам сите заинтерсирани и љубители на активниот начин на живот, сите спортски рекреативци, како и професионални спортисти и атлетичари, да ја искористат последната шанса за пријавување на оваа голема спортска манифестација и да бидат дел од најмасовниот маратон во Скопје. Како и до сега, пријавувањето се одвива на официјалната страница на маратонот“, рече Кире Синадиновски, директор на Виз Ер Скопскиот Маратон.
Сите пријавени учесници ќе имаат единствена можност да ги подигнат своите стартни пакети на 6-ти и 7-ми мај од 10:00 до 19:00 часот во холот на Конгресен центар „Александар Македонски“ во Скопје, поранешна Универзална Сала.
Насловниот спонзор, Wizz Air, како на сите учесници ќе им додели вредносен ваучер од 20 евра, кој ќе може да се искористи за купување на билет за било кој лет со кои оперира оваа авионска компанија од и до Скопје.
Дванаесеттото издание на маратонот е под покровителство на Град Скопје, Мисијата на Европската Унија и Агенцијата за млади и спорт. Маратонот се одржува на 8-ми мај по повод Денот на Европа./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Изградба на атлетска патека во општина Илинден
Општина Илинден отпочна со изградба на атлетска патека и трибина на веќе изграденото мултифункционално игралиште во близина на средното училиште во Илинден. Со завршување на градежните работи овој спортски комплекс ќе добие сосема нов лик кој веќе го носи името на прерано загинатиот бранител Драго Маневски.
Атлетската патека ќе биде со 4 патеки во вкупна должина од 200 метри, на којa ќе биде поставена најсовремена тартан подлога, ќе се гради бетонска трибина на која ќе бидат поставени 175 седишта, како и ограда околу трибината, извести општината Илинден.
Градоначалникот на Општина Илинден, Александар Георгиевски денеска направи увид на градежните работи и истакна дека работите се одвиваат според предвидената динамика. Тој додаде дека Општината е голем поддржувач на спортистите, а доказ за тоа се големиот број спортски натпревари, но и инвестициите кои ги прави Општината за создавање на соодветни, модерни спортски терени за нашите спортисти.
Спортски комплекс со атлетска патека за прв пат се гради во Општина Илинден, а по завршување на изградбата спортистите односно атлетичарите од Општина Илинден ќе имаат одлични услови за вежбање со цел остварување на големи успеси. Оваа атлетска патека ќе можат да ја користат и најмладите кои имаат афинитети кон атлетиката, но и оние посериозните, сениорите кои веќе се докажани и ќе ги развинаат своите атлетски способности за уште поголеми резултати, како во Македонија така и на странство, соопшти општината.
Досегашната пракса на инвестирање и создавање на услови за спортување, постојано се докажува како највредна инвестиција за сите генерации, додаваат од општината.
Скопје
Герасимовски: Продолжуваме со „Цел Центар на точак“, пријавете се за субвенции за нов велосипед
Општина Центар денеска го објави Јавниот повик за доделување субвенции за купување нов велосипед, електричен велосипед и електричен тротинет, во рамки на проектот „Цел Центар на точак“. Финансиската поддршка изнесува 30 проценти од сумата на купениот велосипед, но во износ најмногу до 3.000 денари .
„Секој полнолетен жител на Општина Центар може да се пријави на овој Јавен повик. Морам да нагласам дека велосипедите и електричните тротинети треба да се купени по 1.6.2024. Потребно е само да ја доставите потребната документација. Проектот „Цел Центар на точак“ со години наназад се покажа како успешен. Центарци имаат навистина огромен интерес, а во исто време проектот придонесува кон здрава и чиста животна средина”, порача градоначалникот Герасимовски.
За доделување на финасиската помош потребно е да се достави пополнето барање за субвенционирање, копија од лична карта и трансакциска сметка, како и фискална сметка во оригинал за купен нов велосипед, е-велосипед или е-тротинет.
Барањето за субвенција е достапно во Архивата на Општина Центар-Скопје (барака бр.6) и на веб страната на Општина Центар-Скопје www.centar.gov.mk.)
Комплетната документација заедно со барањето се доставува во архивата на Општина Центар- Скопје, барака бр.6, од 09:00 часот до 15:00 часот, почнувајќи од денот на објавување на јавниот повик.
Субвенционирањето трае се до исцрпување на средствата.
Правото на субвенција е еднократно.
Скопје
Дел од неколку населби во Скопје без струја
Од ЕВН Македонија АД известуваат дека без електрична енергија ќе останат:
Во период од 09:00 до 13:00 часот, корисниците од пат за Долно Лисиче, од Силбо до автоделови Цаки и Ливран ДОО (Општина Аеродром)
Во период од 08:00 до 14:00 часот, корисниците од нас.Драчево: дел од ул.Иван Хаџи Николов, ул.Мишевска, дел од ул.Китка. (Општина Аеродром)
Во период од 12:00 до 15:00 часот, корисниците од ул.Славејко Арсов (м.в Шербетница над шеста управа).(Општина Центар)