Скопје
Шест илјади потписи под петицијата за запирање на изградбата на Панорамското тркало во Скопје

Околу шест илјади граѓани во текот на изминатите четири дена ја потпишале петицијата што ја покрена група граѓани до градоначалникот на Град Скопје, Коце Трајановски, со којашто се бара да се запре изградбата на Панорамското тркало и средствата да бидат пренаменети за други цели, како гасификација на главниот град и решавање на проблемот со загадувањето.
Одлуката за изградба на овој објект во коритото на реката Вардар ја донесе Град Скопје со мнозинство гласови на советниците во 2013 година, а иницијативата потекна во 2010 година, во рамки на проектот „Скопје 2014“. Панорамското тркало е со пречник од 57 метри, а целиот објект ќе биде висок 73 метри над нивото на реката Вардар, со 30 кабини и придружни објекти, како кафетерии и сувенирница. Според најавите, објектот ќе има капацитет од 300 луѓе.
По неуспехот на првичната замисла изградбата да ја финансираат бизнисмени и приватни фирми, средствата беа побарани од државните институции и од Владата. Досега донирала, околу милиони денари, само Агенцијата за електронски комуникации.
Вредноста на Панорамското тркалото достигна сума од 19,7 милиони евра, но изворот на парите не ѝ е познат на јавноста. Изградбата на тркалото продолжи и покрај ротивењето на јавноста и граѓанските протести./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски и советниците спречија изградба на зграда: „Безбедноста на граѓаните на прво место“

На предлог на градоначалникот на општина Центар, Горан Герасимовски, Советот на општина Центар со 19 гласа „за“ и и еден воздржан донесе одлука за суспендирање на примената на градежна парцела во рамки на ДУП „Буњаковец 1.
Причината за суспензијата е изградба на објект чија реализација може да предизвика сериозни безбедносни и правни импликации. Градежната парцела се наоѓа на аголот на булеварите Климент Охридски и Митрополит Теодосиј Гологанов, а единствениот пристап до неа минува покрај студентскиот дом „Кузман Јосифовски-Питу“, каде се наоѓа резервоар со запаллива материја која се користи за греење, што претставува ризик од пожар и бара изработка на посебен елаборат со еколошки анализи и согласности, известува Општината.
Пристапот исто така минува преку подземни инсталации кои ја снабдуваат целата населба и студентскиот дом, како и преку објекти легализирани во минатото, пред повеќе години, за кои е потребна постапка за нивно отстанување , процес кој може да предизвика долги и комплексни правни последици.
Општината повеќе од две години работи на соодветно решавање на овој случај, но досегашните барања за соодветен сообраќаен проект не беа уважени од соодветните институции.
Поради тоа, се предлага суспензија за градење на конкретната градежна парцела се додека не се обезбедат безбедносни и правно сигурни услови за пристап и реализација на објектот, се наведува во соопштението на Општината.
„Мојот приоритет е безбедноста на граѓаните и инфраструктурата. Нема да дозволам да се загрози безбедноста на жителите на Центар, но истовремено ќе внимаваме да се заштитат интересите на сите инволвирани страни. Важно е да бидеме целосно сигурни дека сите услови се исполнети за да може да се гради објектот.Во меѓувреме, подготвуваме нов ДУП кој ќе ги реши овие прашања и ќе овозможи безбеден и законит пристап до парцелите“, истакна Герасимовски.
Македонија
Делови од Гази Баба и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 08:30 до 13:30 часот, корисниците од улица Благоја, улица Маџари, Пекара КИС МИ Стефковски и улица Ордан Поп Јорданов (општина Гази Баба)
– во периодот од 09:00 до 10:00 часот, локалите во трговскиот центар до пазарот (општина Ѓорче Петров)
Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.