Скопје
ВМРО-ДПМНЕ: Од СДСМ не се очекува ништо друго освен насилство, палење, ограбување на институции

СДСМ единствено што знае и умее е да ја спроведува политиката на деструкција по наредба на аболицираниот криминалец Зоран Заев, се вели во реакцијата на ВМРО-ДПМНЕ, на пресот на потпретседателот на СДСМ Дамјан Манчевски, кој рече дека новата власт ќе ја стопира изградбата на барокни фасади.
„СДСМ – Сорос и нивните сателити се противеа на изградбата на жичарница на Водно. СДСМ – Сорос и нивните сателити се противеа на изградбата на арената Филип Втори, најавувајќи дека таа ќе се сруши. СДСМ – Сорос и нивните сателити се противеа на изградбата на Плоштад Македонија кој носи неколкукратно повеќе туристи во главниот град“, велат од ВМРО-ДПМНЕ.Понатаму уште потсетуваат дека СДСМ биле против изградбата на новиот објект на Македонскиот народен театар, против изградбата на Музејот на македонската борба и десетици други градби кои се места што се препорачуваат во странски списанија и кои ги посетуваат илјадници туристи.„Од СДСМ – Сорос не се очекува ништо друго освен насилство, палење, ограбување на институции и деструкција. Граѓаните ги прочитаа намерите на единствената партија предводена од аболициран криминалец и организацијата која учествува во иницирање на нереди во кои најголеми жртви се граѓаните“, се вели во реакцијата на ВМРО-ДПМНЕ. /крај/со/ст
Извор: ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Центар, Гази Баба, Бутел и Ѓорче Петров

Од ЕВН Македонија АД известуваат дека денеска без електрична енергија ќе останат:
– во периодот од 08.00 до 13.00 часот, корисниците од ул. Питу Гули од бр. 4 до бр. 20. (општина Центар)
– во периодот од 08.00 до 14.00 часот, корисниците од село Стајковци. (општина Гази Баба)
– во периодот од 09.00 до 11.00 часот, дел од корисниците од ул. Рокомија. (општина Бутел)
– во периодот од 09.00 до 13.00 часот, дел од корисниците од улиците Ибе Паликуќа и Воин Драшковиќ. (општина Ѓорче Петров)
Македонија
Дел од Центар денеска без вода

Од ЈП Водовод и Канализација известуваат дека поради уличен дефект од ф – 80 мм на улицата Пиринска бр. 45 без вода ќе останат дел од корисниците од улиците Ленинова и Чедомир Миндеровиќ, општина Центар.
Водоснабдувањето ќе биде прекинато во периодот од 09.00 часот па се до отстранување на дефектот.
Македонија
Костовски: Нов модерен затворен базен во Бутел

Актуелниот градоначалник на Бутел и кандидат на локалните избори од ВМРО-ДПМНЕ, Дарко Костовски им најави на граѓаните на Општината дека ќе добијат уште еден затворен базен во Бутел 1.
„Покрај затворениот базен кој се гради во дворот на ООУ „Ацо Шопов”, уште еден ќе се изради во дворот на ООУ „Св. Климент Охридски”.
Овој објект ќе биде симбол на она што претставува здрав живот за нашите деца.
Од моментот кога станав градоначалник на општина Бутел ветив дека грижата за нашите деца ќе биде мојот фокус.
На мое задоволство, покажавме дека со ефикасна работа и јасна визија можеме да го забрзаме развојот на спортската инфраструктура во нашата општина.
Пливањето како спорт има огромно значење за здравјето и развојот на младите генерации.
Со ова овозможуваме не само услови за развој на спортски таленти, туку и простор за рекреација и здрав живот за сите жители на општината.
Со силна динамика и посветеност ќе продолжиме да ги создаваме потребните услови за подобар живот и развој на граѓаните на општина Бутел“, вели Костовски.