Скопје
Во првата седмица од кампањата за безбедност во сообраќајот само во Скопје над илјада прекршоци
Од започнувањето на кампањата „Почитувај ги правилата, почитувај го животот“ на 12-ти септември во следните седум дена евидентирани се 1.030 сообраќајни прекршоци само на подрачјето на СВР Скопје, соопшти во неделата министерката за внатрешни работи, Гордана Јанкулоска по повод одбележувањето на Европската недела на мобилност во сообраќајот што го организираше Републичкиот совет за безбедност на сообраќајот на патиштата.
Од започнувањето на кампањата „Почитувај ги правилата, почитувај го животот“ на 12-ти септември во следните седум дена евидентирани се 1.030 сообраќајни прекршоци само на подрачјето на СВР Скопје, соопшти во неделата министерката за внатрешни работи, Гордана Јанкулоска по повод одбележувањето на Европската недела на мобилност во сообраќајот што го организираше Републичкиот совет за безбедност на сообраќајот на патиштата.
Спецификацијата на регистрираните сообраќајни прекршоци покажува дека 47 возачи не го користеле сигурносниот појас за време на управувањето со возилото, 54 возачи за време на управувањето користеле мобилен телефон; 202 возачи возилата ги управувале со брзина поголема од пропишаната, 66 возачи управувале со возило под дејство на алкохол; 41 лице управувало со возило без возачка дозвола; 114 возачи управувале со возило по истек на важност на дозволата, или нерегистрирани возила, 15 возачи на мотоцикл, велосипед со мотор и мопед за време на управувањето на ја носеле заштитната кацига; а 29 пешаци минале надвор од обележан пешачкиот премени или на недозволен начин го поминале коловозот.
Нагласувајќи уште еднаш дека превентивното делување во насока на постојано зголемување на јавната свест и поголемата безбедност во сообраќајот остануваат едни од клучните приоритети на полицијата, министерката Јанкулоска посочи дека од почетокот на годинава до септември на подрачјето на Скопје се случиле 2.376 (2.685) сообраќајни несреќи што е намалување од 11,5 отсто во споредба со истиот период претходната 2013 година.
Инаку денешната манифестација по повод одбележувањето на Европската недела на мобилност во сообраќајот, а наедно и како дел од генералната кампања на Владата „Почитувај ги правилата почитувај го животот“, имаше за цел да ги афирмира алтернативните и еколошки начини на сообраќај, односно користење велосипеди, градски превоз и сл, во насока на зголемување на безбедноста во сообраќајот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.
Скопје
Герасимовски: Со видео надзор, општината ќе ја зголеми безбедноста на граѓаните и ќе ги заштити јавните добра
Советот на Општина Центар на 35. Седница на советот го прифати предлогот на градоначалникот Горан Герасимовски во општина Центар да се постави видео надзор.
Станува збор за видео надзор поради обезбедување заштита на имотoт и имотните права на општината односно Заштита на урбаната опрема (автобуски постојки, опрема во функција на туристички и културни и спортски настани, самостоечки рекламни паноа, детски игралишта, фонтани, чешми, клупи, корпи за отпадоци и други согласно законите), Заштита на инфраструктурните објекти (улици, плоштади и други инфраструктурни објекти во надлежност на Општината), Заштита на сообраќајни знаци и семафори и друга вертикална и хоризонтална сигнализација, Заштита на улична јавна осветлување, броење и евиденција на возила за статистички мерења.
Герасимовски во образложението за дополнувањето на дневниот ред истакна дека одлуката е преземена и модифицирана од други општини во кои веќе неколку години има поставен видео надзор и каде по поставувањето има намалување на штетите во општината.
„Се обидовме да ја заштитиме урбаната опрема особено детските игралишта но по сите напори не успеваме да го направиме тоа. Тие не ни траат ниту два месеци, се кршат детските реквизити, обрачите на спортските игралишта, се крши се. Затоа овие снимки може да служат како доказ за нечие дивеење. Но Министерството за внатрешни работи или Јавното обвинителство, исто така ќе може да ги користат при евентуално сторено кривично дело, нарушување на јавен ред и мир, или кршење на друга урбана опрема. Верувам дека снимките ќе ја зголемат и безбедноста во општината. Суштината е снимката да се користи како доказ за евентуална судска кривична или прекршочна постапка со цел да имаме намалување на девијантните појави во општината“, рече Герасимовски на седницата.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.