Аква паркот во Скопје, што се наоѓа во склоп на спортскиот центар „Борис Трајковски“ од четврток е затворен за посетители, соопшти директорот на спортскиот центар, Златко Перински.

„Втората година во Градскиот Аква Парк помина и подобро од она што очекувавме. Иако, реално, летото не беше баш со високи температури и вистински жешки денови, сепак, граѓаните ја одбраа оваа локација. Со самото отварање на единствениот аквапарк во градов, Скопјани освен што добија нова забава, имаа можност и да ги уживаат содржините кои се во склоп на овој објект. Сезоната ја започнавме во месец јуни и до денес имавме повеќе од 30.000 посетители. Бројка, која ја покажува актуелноста на оваа летна локација која им е омилена на сите генерации, изјави Перински. 

За наредната сезона најави нови интересни содржини кои ќе ја зголемат понудата на оваа летна локација, а до тогаш на сите ќе им бидат достапни останатите услуги од СЦ „Борис Трајковски“ кои можат да ги користат во текот на целата година. 

Аква Партко се простира на површина од 12.000 метри квадратни и содржи 10 тобогани, базен за деца, базен со бранови, мрзлива река, административна зграда со ресторан, три кафе-барови, санитарни јазли, соблекувални и прва помош.крај/мф/сд