Советот на јавните обвинители по втор пат ја одложи седницата, а Собранието по трет пат ја одложи комисиската расправа на коишто требаше да се разгледува извештајот на Специјалното јавно обвинителство за неговите активности во првите шест месеци.

Иако Специјалната јавна обвинителка, Катица Јанева во вторникот децидно изјави дека нема да го презентира извештајот ниту пред Советот, ниту пред Собранието, сепак членовите на Советот едногласно одлучиле дека Јанева мора да дојде.„Денешната седница е повторно одложена за во понеделник во 11 часот бидејќи по отворената дискусија меѓу членовите на Советот заклучивме дека е нужно да дојде и да присуствува специјалната обвинителка, Катица Јанева заради разјаснување на некои работи коишто ни се нејасни. Сметаме дека мора да дојде, ќе добие денеска и писмена покана“, изјави претседателот на Советот, Петар Аневски.Тој не кажа конкретно што точно во извештајот не им е јасно, но најави дека во понеделник доколку не дојде Јанева, по завршувањето на седницата ќе ги кажат сите нејаснотии.„Ние не го гледавме дел по дел извештајот, в понеделник по завршувањето на седницата мислам дека ќе се разгледува извештајот, ако не е присутна Јанева, ќе ви ги кажеме сите нејаснотии. Секој од членовите има свои прашања и треба да се разјаснат“, рече Аневски.На конференцијата за корупција што се одржа во вторникот во Скопје со романската обвинителка присутен беше и Аневски и таму ја слушна изјавата на Јанева дека нема да дојде.„Ние тоа го имавме земено во предвид, но сите членови едногласно одлучија дека Јанева треба да дојде“, вели Аневски.Претседателот на комисијата за политички систем, Влатко Ѓорчев пак во Собрание по трет пат ја одложи седницата за разгледување на извештајот на Специјалното јавно обвинителство и рече дека Јанева продолжува да го негира Собранието. /крај/ффс