Македонија
Зврлевски призна дека обвинителството е неефикасно

Студентите од Правниот факултет „Јустинијан Први“, поточно младите кривичари, го прашаа јавниот обвинител Марко Зврлевски зошто смета дека Специјалното јавно обвинителство е неуставно, а тој рече дека тоа е така, и дека некој одлучил дека Јавното обвинителство е неефикасно, па затоа го формирале СЈО.
На научната расправа освен Зврлевски, гости се и специјалната јавна обвинителка Катица Јанева, обвинителката Лидија Раичевиќ-Вучкова и професорот по казнено право Никола Тупанчевски.
Зврлевски додаде дека ќе ја поддржуваат работата на СЈО и се надеваат на резултати од него, но вели дека обвинителството за таа работа немало капацитет, ниту ресурси.
„Не сѐ што се донесува како одлука или закон во Собрание е уставно, затоа постои Уставен суд. За СЈО беше политичка одлука на четирите најголеми партии, но тоа може да даде резултати“, рече Зврлевски.
Студентите го прашаа Зврлевски дали смета дека треба да си даде морална оставка.
„Сите знaеме зoштo беше фoрмирaнo СЈО, иaкo веќе имa Јавно обвинителство кoе не пoстaпувaше пo предметите зa прислушување? Дaли сметaте декa требaше бaрем мoрaлнa oстaвкa дa си дaдете?“, го праша обвинителот Зврлевски една студентка.
„Тoa декa не рaботиме нa тие предмети зa кoи интерес имaше еднa политичка партија не е тoчнo. Ние имaме и други предмети нa кoи рaбoтиме. Нaшите oбвинители рaбoтaт нa случaи сo терoризaм, тргoвијa сo луѓе, дрогa и сличнo. Нaшите oбвинители oдaт сo пaнцири нa рaбoтa. А, за прислушувaњетo имaвме oтвoренo 35 предмети. И тврдaм декa тoa беше грешкa. Зaтoa штo не мoжеш врз oснoвa нa нештo незaкoнскo дa фoрмирaте зaкoнски предмет“, рече Зврлевски, а за оставката рече дека aкo држaвaтa е незадоволна oд негoвaтa рaбoтa мoже дa гo смени./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Митески: Наместо Градот, ние го собираме отпадот во Аеродром

Кандидатот за градоначалник на општина Аеродром, Дејан Митески, изјави дека општината самоиницијативно се справува со зголемените количества отпад, иако надлежноста за комуналната чистота е на Град Скопје.
„Сликата е жалосна во цело Скопје, но ние во Аеродром не чекаме – дневно депонираме повеќе од 10 тони отпад во Дрисла,“ изјави Митески.
Тој нагласи дека, пред да се воведат казни, неопходно е граѓаните да имаат услови каде да го одлагаат отпадот.
„За првпат како општина воведовме редовни акции коишто траат два месеци на пролет и на есен за одлагање на кабаст отпад, понудивме услуга преку нашето јавно претпријатие да може на повик, граѓаните дојдат и го депонираат отпадот за симболичен надоместок, за првпат лиценциравме јавно комунално претпријатие коешто може да одвезува и да транспортира неопасен отпад“, рече Митески.
Во гостување на Телма, тој додаде дека Аеродром веќе има лиценцирано јавно комунално претпријатие што може да одвезува и транспортира неопасен отпад.
Покрај тоа, Митески најави и дел од инфраструктурните и еколошките проекти од програмата – топлификација на Лисиче, нов културен дом и зелена офанзива со засадување нови садници во соработка со инвеститорите.
Македонија
Во тек голема акција: Финансиската полиција ја тресе прилепската болница, има приведени

Во тек е голема акција на финансиската полиција во Прилеп, поврзана со сомнежи за криминал во работењето на прилепската болница.
Според информациите за „Макфакс“, приведени се повеќе лица кои раководеле со болницата.
Од Основното јавно обвинителство, попладнево, соопштија дека Финнсиската полиција постапува по нивна наредба.
„Се преземаат дејствија во врска со постапка за наводи против повеќе лица за злоупотреби во работењето на прилепската болница. Акцијата е во тек“ соопштија од Обвинителството.
Повеќе детали ќе бидат познати во текот на утрешниот ден.
Македонија
Мециновиќ: Не планирам да водам деструктивна политика, ќе соработувам со сите советнички групи

Кандидатот за градоначалник на Скопје од Левица, Амар Мециновиќ, на првата прес-конференција по почетокот на вториот изборен круг обвини дека Левица е неправедно исклучена од медиумскиот простор, откако АВМУ не ѝ дозволи политичко рекламирање.
Според него, со тоа, нанесен е удар врз демократијата, но најавува позитивна и проактивна кампања, иако, како што рече, условите не се рамноправни.
„Јас не сум најпаметен, ниту најдобар од сите скопјани“, рече тој. „Но знам дека скопјани заслужуваат град каде што нивниот глас нешто значи. Локалната политика е нашето секојдневие: улиците, воздухот, јавниот превоз, зеленилото. Тие работи не смеат да зависат од партиски договори“.
Тој порача дека нема да води деструктивна политика и ќе соработува со сите советнички групи. Нагласи и дека проблемите во претходниот мандат произлегле од партиски суети и лични конфликти. Ги повика и разочараните граѓани да излезат на гласање:
„Овојпат изборот е реален – старите партии веќе не се најголемиот фактор.“
На крај, му порача на својот противкандидат: „Подготвен сум на дебата, па и на јавен дуел под отворено небо. Нека народот нè слушне и избере.“