Македонија

СЈО преслушало 96 отсто од „бомбите“

Објавено пред

4 месеци

- 15 март, 2019

Од

Специјалното јавно обвинителство од вкупно 606.555 аудиофајлови со кои располага, обработило 96 отсто, се вели во Извештајот за работата на ова обвинителство за периодот септември 2018 – март 2019 година. Досега издвоени се 453.281 приватни разговори, а анализирани се вкупно 56 отсто од СМС-пораките со кои располага ова обвинителство.

Во извештајот повторно се потенцира дека се очекува во што пократок рок да се донесе законско решение со кое ќе му се овозможи на СЈО да стане интегриран дел од јавнообвинителскиот систем во државата.

„И покрај донесеното правно мислење на Врховниот суд во однос на постапувањето на ова обвинителство, како и повикувањето на ваквото мислење од страна на дел од осомничените и нивните бранители, евидентно е дека ова Јавно обвинителство постапува исклучиво во рамки на своите законски овластувања во рамки на предметите што ги води“, пишува во извештајот.

Во однос на ова, СЈО алудира на истрагата за предметот „Империја“ каде што Орце Камчев и Сашо Мијалков беа ослободени од куќен притвор врз основа на начелното правно мислење на Врховниот суд со кое СЈО е неовластен тужител да отвора истраги по 1 јули 2017. Од СЈО тврдат дека во решенијата на Апелациониот суд стои дека во случајот не станува збор за за покренување обвинение, туку за воспоставување надлежност врз тековен предмет врз предмети кои претходно биле под надлежност на Основното јавно обвинителство за гонење организиран криминал и корупција и основните јавни обвинителства во Скопје и во Битола.

Од СЈО информираат дека од септември лани досега отворени се предистражни постапки за 81 предмет. Вклучувајќи ги претходно отворените предистраги, досега во СЈО се работи на вкупно 243 предистражни постапки.

Во истиот период, СЈО отворило 8 нови истраги против вкупно 64 лица.

Од одобрениот годишен буџет од 3,7 милиони евра, СЈО годинава потрошило 16 отсто од парите.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:СЈО

Следно

Иванов: ДКСК да постапи на ист начин и со другите носители на државни и јавни функции

Претходно

Пендаровски: Останувам посветен на интегративните процеси, членството во НАТО е наследство што ќе го оставиме на идните генерации

Македонија

Затворен патниот правец Истибања – брана Калиманци

Објавено пред

2 часа

- 15 јули, 2019

Од

Макфакс

„Македонијапат“ известува дека патниот правец с. Истибања – брана Калиманци (км.259+300) е затворен за сообраќај за сите категории на возила со записник. Сообраќајот ќе се одвива по алтернативни патишта.

За патнички и полутешки моторни возила сообраќајот ќе се одвива преку Виница –Бигла – Делчево.За тешки товарни возила преку Виница – с.Смојмирово – Делчево.

Прикажи повеќе...

Македонија

На Богородица и Табановце се чека по половина час

Објавено пред

2 часа

- 15 јули, 2019

Од

Макфакс

Интензитетот на сообраќај на патните правци надвор од градските средини е зголемен. Како што информира АМСМ, има зголемена фреквенција на возила на ГП Богородица, каде времето на чекање за излез од државата е од 15 до 30 минути, на ГП Табановце за влез во државата околу 30 минути, а на останатите гранични премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Прикажи повеќе...

Македонија

Јовески поддржува ветинг по ослободителната пресуда за Латас

Објавено пред

3 часа

- 15 јули, 2019

Од

Васко Маглешов

Првиот човек на Јавното обвинителство, Љубомир Јовески, рече дека го поддржува решението за ветинг или друга форма на проверка на судиите и обвинителите, особено по последната одлука на скопскиот кривичен суд, кој го ослободи од обвинение новинарот Драган Павловиќ -Латас.

„Видовте што стана со последната одлука во делот на противправното градење, како судијата ја толкува таа одредба. На такви судии не им е место во правосудството и Судскиот совет ќе треба во соодветна постапка да го испита тој дел“, рече Јовески на прес-конференција.

Државниот јавен обвинител додаде дека судската пракса во тој дел е јасна, дека не се се бараат записници од инспектори за некој да биде ослободен од обвинение. „Доволно е лицето да почне да гради без одобрение за градење“, рече Јовески.

Тој вели дека поддржува процес во кој во рамките на обвинителството ќе останат чесните и тие со интегритет.

Кривичниот суд го ослободи новинарот Драган Павловиќ -Латас од обвинението во предметот „Тревник“ за бесправна градба на викендичките во Зелениково.

Прикажи повеќе...