Скопје
Герасимовски – Брнз: Продлабочување на соработката и нови заеднички активности со Амбасадата на САД
Продлабочување на соработката и заеднички проекти беа главни теми на средбата на градоначалникот на општина Центар, Горан Герасимовски, и амбасадорката на Соединетите Американски Држави, Кејт Мари Брнз.
Градоначалникот Герасимовски на амбасадорката Брнз ѝ ги претстави своите програмски заложби и планови, меѓу кои и заложбите за чист, зелен и еколошки Центар и отворена и транспрентна општина.
„Сакам да ѝ се заблагодарам за посетата на амбасадорката Брнз. Навистина ми е чест да ѝ бидам домаќин на амбасадорката Брнз, која е дипломатска претставничка на најголемиот пријател и поддржувач на нашата држава на меѓународен план. Со амбасадорката разговаравме за актуелните теми како на глобално така и на локално ниво. Имав шанса на амбасадорката лично да ѝ ги претставам нашите проекти и планови со кои ќе го подобриме животот на граѓаните во општина Центар“, изјави Герасимовски по средбата со Брнз.
Герасимовски изјави дека ова е чекор напред кон продлабочување и подобрување на соработката на Општина Центар со Амбасадата на САД во РСМ, особено во делот на екологијата и темите што се од локален интерес за жителите на општината.
На состанокот градоначалникот Герасимовски и амбасадорката Брнз разговараа и за политичките случувања во светот. Герасимовски во името на граѓаните на општина Центар изрази силна поддршка до граѓаните на Украина, кои минуваат низ можеби најтешкиот период од своите животи.
На крајот, градоначалникот Герасимовски ѝ се заблагодари на Брнз за посетата и изјави дека се надева на уште поинтензивна и суштинска соработка на Општина Центар со Амбасадата на САД во РСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
После 30 години целосно е реконструирана улицата ,,Марко Орешковиќ” со краците
После 30 години целосно е реконструирана улицата „Марко Орешковиќ” со нејзините краци. Обновата на оваа сообраќајница која имаше видливи оштетувања беше големо барање од жителите од овој дел на општината кои се жалеа на лошите сообраќајни услови и за возилата и за пешаците и претставува целосно исполнување на ветувањето што им го даде градоначалникот на општина Кисела Вода, Орце Ѓорѓиевски, известува општина Кисела Вода.
„Обновата низ целата Кисела Вода која досега опфати преку 50 км улици и патишта не запира. Улицата „Марко Орешковиќ“ која сега е комплетно реконструирана, во минатото беше сообраќајница која имаше големи оштетувања кои го отежнуваа движењето и за пешаците и за возилата, но и покрај тоа, не била реконструирана над три децении. Зафатот се одвиваше на потегот од улицата „Мариовска“, опфаќајќи ја улицата „Марко Орешковиќ“ и нејзините краци.
Улицата добива и паркинг простор за уште поголемо олеснување на сообраќајот. Во овој дел од општината живеат околу 800 лица кои до поранешните раководства на Општината, цели три децении упатувале барања за реконструктивни активности, но за жал, досега не наишле на позитивен одговор. Тоа денес е минато. Она што од мене им беше ветено, денес е реализирано во целост! И овде не застануваме. Продолжуваме со градежните активности низ сите населби и населени места за да бидеме уште еден чекор до целта – до крајот на мојот мандат, а и многу порано од тоа, Кисела Вода да нема неасфалтирана улица! Мојот народ заслужува“, истакна градоначалникот Орце Ѓорѓиевски.
Скопје
Герасимовски: Се финализира доградбата на ООУ „Коле Неделковски“
Со поставување на фасадата привршуваат градежните работи на доградбата на ООУ „Коле Неделковски“. Доградбата на училиштето опфаќа 6 училници, од кои 4 ќе бидат за настава, 2 кабинета, една библиотека и една просторија за администрација. Во доградениот дел исто така поставена е и рампа за лица со попреченост, а во тек е и поставување на лифт за лица со инвалидитет како и тоалет за нивните потреби во приземниот дел. Градежните зафати на фасадата треба да завршат за дваесетина дена со што дополнителниот дел ќе се вклопи во целосниот лик на училиштето. Градоначалникот на Општина Центар Горан Герасимовски беше на увид на објектот кој треба да биде готов до почетокот на учебната година во септември.
„Со доградбата на капацитетите на училиштето Коле Неделковски се отвора простор за упис на околу 100 нови ученици. Истите наставата ќе ја следат во училници кои се соодветни на модерните услови во кои треба да се одвива образованието. За нас инклузивноста е клучна затоа во проектирањето планиравме и пристапна рампата и лифт за лица со попреченост со цел истите да имаат непрeчен пристап во училиштето’’, рече Герасимовски.
Според надлежните, проширувањето на капацитетите во ООУ „Коле Неделковски“ се изведува согласно сите современи стандарди, дел од фасадата е структурална, а прозорците се алуминиумски со висок квалитет. Оваа инвестицијата во училиштето е прва после 66 години од неговото отворање. Општина Центар ќе продолжи да вложува во унапредување на условите за воспитување и образование на децата според модерни, европски и светски стандарди.
Скопје
Без струја корисници од село Долно Лисиче
Без струја од 08:30 до 15 часот ќе бидат корисници од село Долно Лисиче (објекти на патот кон Драчево и ул.„10“), најави Регионалниот центар за управување со кризи (РЦУК) Скопје.
Прекинот е поради планирани технички интервенции во електродистрибутивната мрежа.