Кошаркарите на Црвена звезда, по едно продолжение славеа победа во Монако со 100:96. Црвена звезда ја прекина серијата од шест победи во која беше тимот на Монако, сега има скор 13-10, додека екипата од малото кнежевство е на 15-8.

Фантастичен натпревар одиграа двата тима, пол но пресврти и едно продолжение. Црвена звезда, во еден период од втората четвртина имаше предност од 18 поени, Монако до крајот на првиот дел се врати во мечот, ја спушти негативата на шест поени.

Вториот дел им припадна на домашните играчи, Монако ја анулира предноста на притивникот и го презеде водството. Во последната четвртина, Монако имаше водство од 10 поени, а на неполни две минути до крајот резултатото беше 90:83.

Црвено-белите волшебно се вратија, а со поените на Батлер изедначија. На 12 секунди до крајот напад имаше Монако, но Џејмс не годи тројка.

Во продолжението Црвена звезда делуваше подобро, бргу се одпели на шест поени разлика, на што Монако немаше одговор.

До победата Црвена звезда ја предводеше Ебука Изунду,со 22 поени и 12 скока, го следеше Џордан Нвора со 18 поени и шест скока, додека Семи Оџелеи имаше 16 поени и четири скока.

Покрај нив, се истакна и Коди Милер-МекИнтајр, кој постигна осум поени и шест скока и додаде 11 поени.

Најефикасен кај Монако беше Алфа Диало со 19 поени, Мајке Џејмс уфрли 14, а поен помалку забележаа Џером Блосонгејм и Ели Окобо.

Foto/ EPA

Боде/Глимт го победи Манчестер Сити со 3:1 (2:0) во претпоследноот коло, во Лигата на шампионите. Екипата од северот на Норвешка на импресивен начин ја забележа првата победа во клупсата историја во елитното натпреварување. Со овој триумф Боде/Глимт ги задржа шансите за пласман во плејофот, а во исто време „граѓаните“ ги компромитираа своите шанси за пласман во Топ 8.

Дека Сити ќе доживее класичен нокаут во Норвешка беше јасно кога Хег постигна два гола во интервал од 120 секунди. Напаѓачот на Боде/Глимт погоди во 22-та и 24-та минута.

Дебаклот на Сити го комплетира најдобриот домашен играч Хауге во 58-та минута. Неполи 100 секунди подоцна Шерки го намали резултатот, но поразот на „граѓаните“ го потпиша Родри.

Искусниот Шпанец во 60 секунди доби два жолти каротни. Со играч помалку Сити до крајот не успеа да направи апсолутно ништо и Боде/Глимт дојде до сензационална победа.

Foto/ EPA

Управниот одбор на Македонската кошаркарска федерација, на седницата одржана на 20ти јануари 2026 година, ја разгледа и едногласно ја прифати оставката на селекторот на машката сениорска репрезентација, г. Марјан Илиевски, поднесена непосредно пред почетокот на седницата.

Иако Управниот одбор беше изненаден од ваквата одлука, Федерацијата во целост ја почитува личната и професионалната одлука на г. Илиевски и уште еднаш упатува искрена благодарност за неговиот ангажман, професионалност и придонес во периодот додека ја извршуваше селекторската функција, со желби за многу успех во неговата понатамошна кариера.

Во продолжение на седницата, Управниот одбор донесе една од најзначајните одлуки во последниот период, со која се поставуваат темелите за нов, поорганизиран и стратешки пристап во работењето на репрезентативната кошарка.

Едногласно беше донесена одлука легендата на македонската кошарка, Владо Илиевски, да биде назначен за Координатор на сите национални репрезентативни селекции.

Именувањето на Владо Илиевски претставува силна порака за јасна визија, континуитет и системски развој. Станува збор за една од најголемите фигури во историјата на македонската кошарка, поранешен долгогодишен репрезентативец, лидер на теренот и дел од најуспешната генерација на националниот тим, со која беше испишана историја на Европското првенство во 2011 година.

Неговото огромно меѓународно искуство, длабокото познавање на репрезентативниот систем и авторитетот што го ужива во кошаркарските кругови ќе бидат ставени во функција на унапредување на работата на сите сениорски и младински национални селекции, подобра координација меѓу нив, како и дефинирање на стратешки насоки за нивен долгорочен развој.

Во таа насока, Управниот одбор изразува очекување дека во најкраток можен рок, токму преку предлог на новоименуваниот координатор, ќе биде дефинирано и решението за селекцијата на нов селектор на машката сениорска репрезентација, со што ќе се обезбеди стабилност и навремена подготовка за претстојните репрезентативни обврски.

Покрај ова, Управниот одбор ги утврди критериумите за избор на стручни лица во рамки на Спортската академија, како и формирање на комисија задолжена за утврдување на исполнетоста на критериумите за селекција на тренери, со цел подигање на квалитетот и професионалните стандарди во македонската кошарка.

Дополнително, беше донесена одлука за зголемување на надоместокот за статистичарите на 1.500 денари по натпревар, како признание за нивниот придонес и значајната улога во натпреварувачкиот процес.

Македонската кошаркарска федерација со ова соопштение јасно потврдува дека останува посветена на стабилност, транспарентност и долгорочен системски развој, при што во фокусот се националните селекции, стручното работење и враќањето на довербата и амбицијата во македонската кошарка.

Извор и Фото/ mkd.basketball