Спорт
Вејн Руни потврден во Ди Си јунајтед!
Поранешниот напаѓач на англиската репрезентација, Вејн Руни си замина од Евертон и потпиша договор со тимот од американската МЛС лига, Ди Си јунајтед, потврди премиерлигашот.
„Евертон и Вејн Руни се договорија за раскин на договорот и на трансфер на фу…


Поранешниот напаѓач на англиската репрезентација, Вејн Руни си замина од Евертон и потпиша договор со тимот од американската МЛС лига, Ди Си јунајтед, потврди премиерлигашот.
„Евертон и Вејн Руни се договорија за раскин на договорот и на трансфер на фудбалерот во Ди Си јунајтед на постојан трансфер. Руни ќе ги комплетира формалностите околу трансферот по отварањето на преодниот рок во МЛС на 10 јули“, велат од Евертон.
#NoWayneNoGain pic.twitter.com/HfbLmCsBOq
— D.C. United (@dcunited) June 28, 2018
Руни потпишал три и пол годишен договор со американскиот клуб, а договорот вреди 10 милиони фунти, со што Англичанецот станува најскапиот играч во историјата на Ди Си јунајтед, тим за кој ќе дебитира на 14 јули.
„Преселбата во Америка и МЛС е остварување на уште една амбиција за мене. Имам глад да успеам и во САД и ќе дадам 100 отсто за во тоа да успеам“, изјави Руни.
Околу рекордниот голгетер на Манчестер јунајтед и Англија подолго време се врзуваа шпекулации за преселба во САД, откако помина само една година по враќањето во Евертон. Тој заминува од Премиер лигата како втор најдобар стрелец во историјата со 208 гола. Пред него е само Алан Ширер со 260 голови.
? | @WayneRooney has today joined @dcunited.
Goodbye and good luck, Wayne! ?
More ➡️ https://t.co/yH7jRZelWC pic.twitter.com/41EFUFUZFC
— Everton (@Everton) June 28, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трет пат во низа, 13.пат во клупската историја МЗТ го освои Купот на Македонија

Кошаркарите на МЗТ Скопје го освоија Купот на Македонија 13. пат во својата историја. Во финалето МЗТ го декласира Кожув со 86:61.
Финалето имаше доза на неизвесност само на почетокот на натпреварот. Серијата од 12:3 му ја донесе на МЗТ првата серизна предност (18:10) и од тој момент започна доминацијата на МЗТ.
На стартот од втората четвртина, МЗТ стигна и до двоцифрена предност, а на пауза замина со предност од 15 поени (42:27).
Во вториот дел МЗТ рутински ја одработи својата работа.
Бојан Крстевски со 16 поени беше најефикасен во победничкиот тим, двоцифрени беа Андреј Маслинко со 15 поени и Војдан Стојановски со 12 поени. Андрија Стевановиќ со 20 поени го предводеше Кожув.
Спорт
(Видео) Тријат раце во Интер, Наполи во 87.минута испушти победа кај Лацио

Во првото дерби од 25. коло во Серија А, Лацио и Наполи одиграа нерешено 2:2 во Рим.
Резултат кој несомнено најмногу го радува Интер, затоа што „нероаѕурите“ можат да го заземат првото место во поредокот со победа во недела. Но, она што ги прави шампионите многу посреќни е забележителниот пад на формата на Наполи, кој нема победа на последните три натпревари во Серија А.
Наполи има за што да жали со оглед на тоа што имаше водство до 87. минута на тешкото гостување. Булаје Диа, кој влезе во игра во 74. минута, постигна гол за 2:2 и им одзеде два бода на наполитанцие.
Лацио поведе со голот на Исаксон во шестата минута. Но гостите дојдоа до пресврт.
Само седум минути по примениот гол, Распадори израмни. А комплетен пресврт дојде во 64. минута по автоголот на Адам Марушиќ. Сепак, Наполи до самиот крај не успеа да одржи водството и сега ќе мора да навива Интер да не го победи Јувентус во Дерби д’Италија во Торино.
Спорт
Баерн преживеа во Леверкузен

Баер Леверкузен и Баерн одиграа нерешено без голови (0:0) во дербито од 22. коло на Бундес лигата.
Двете најдобри екипи во Германија ги поделија бодовите, во натпревар во кој „фармацевтите“ доминираа, но не успеаја да постигнат гол.
Виртц прв му се закани на Нојер, Фримпонг и Тела ја погодија гредата, а Тела вп неколку наврати беше блиску до гол.
Во 66. минута дефанзивецот на Баерн Ито од гол линијата интервенираше и спречи водство на Баер.
Колку беа безопасни Баварците говори и тоа што тие првпат шутираа кон голот на Храдецки во 81. минута, кога Горецка имаше слаб обид.
Компани очигледно дојде во Леверкузен за бод, кој го доби, одржувајќи ја предноста од осум бода во поредокот.
Бундес лига, 22 коло:
Штутгарт – Волфсбург 1:2 (0:0)
/Волтмејд 72 – Томас 77, Амура 87/
Унион Берлин – Борусија М. 1:2 (0:2)
/Илиќ 63п – Улрих 10, Клајндиенст 26/
Бохум – Борусија Д. 2:0 (2:0)
/Масурас 33, 35/
Сент Паули – Фрајбург 0:1 (0:0)
/Треу 89 аг/