МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.

„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.

Тие додаваат дека пријава досега не добиле.

„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.

(Видео) Ракометарот Талески удрен со пендрек од полицаец во Охрид, за време на натпреварот со „Пелистер“

Ракометарот на Вардар, Филип Талески, беше удрен со пендрек од страна на полицаец, за време на натпреварот кој се играше со „Пелистер“. За време на полициска интервенција поради помали инциденти, од снимката се гледа како полициски службеник замавнува со пендрекот и го удира ракометарот, по што следува и негова реакција.

Од снимката се слуша и како од публиката довикуваат до полицаецот: „Што правиш бе будала еден“, додека останатите службеници ги разделуваат лицата кои учествуваат во инцидентот.

„Макфакс“ побара став и од МВР дали ќе го испитаат случајот, односно дали ќе отворат дисциплинска постапка. Оттаму се очекуваат одговори во текот на утрешниот ден.

Ракометарите на Вардар 1961 го оставија Еурофарм Пелистер без двојната круна. Во финалето на Купот, во салата „Билјанини извори“ во Охрид, со победата 26:25 (16:12) над Еурофарм Пелистер, Вардар 1961 го свои 16. трофеј во Купот на Македонија.

Mакедонскиот скијач, Виктор Петков освои второ место во дисциплината велеслалом, како и четврто и петто место во двете слалом трки  на Државното првенство на Србија, каде што учествуваа скијачи од седум држави.

23-годишнит Петков, е член на ски клубот „Сноу спорт“ од Гостивар.

На 20 и 21 март на Копаоник, Република Србија се одржа Државното првенство на Србија во скијање, во дисциплините слалом и велеслалом каде учествуваа 57 натпреварувачи од 9 земји.