Францускиот фудбалер Оливие Жиру стана третиот најдобар стрелец во историјата на француската репрезентација откако на мечот на „триколорите“ против Исланд го постигна 35. гол и го помина Давид Трезеге на листата.

Пред Жиру на листата на најдобри стрелци сега се Мишел Платини со 41 гол и Тиери Анри со 51 погодок во дресот на Франција.

„Најважен е колективниот успех, секогаш успехот на репрезентацијата ми беше приоритет. Нормално, неопходно е и на лично ниво да сум одличен. Среќен и горд сум поради тоа, сакам да продолжам да постигнувам голови. Се надевам дека ќе го стигнам Платини“ – рече Жиру и додаде дека Трезеге му бил инспирација.

Тој минатото лето беше цел на критики откако првиот шпиц на „петлите“ не постигна ниту еден гол на патот кон светската титула во Русија.

Сепак, сега повторно проработе и ја оправда довербата на селекторот Дешамп.

Како дел од Интернационалната детска општествено одговорна програма „Фудбал за пријателство“ на „Гаспром“, на стадионот Драгао во градот Порто, на бразилскиот национален фудбалски тим му беше доделен „Купот на девет вредности“. Уникатниот трофеј ги симболизира деветте вредности на проектот „Фудбал за пријателство“ – пријателство, еднаквост, праведност, здравје, мир, посветеност, победа, традиција и чест. Церемонијата на доделување на трофејот се одржа како дел од пријателскиот натпревар помеѓу Панама и Бразил.

Неколку учесници од претходните сезони на „Фудбал за пријателство“ пристигнаа на церемонијата за доделување на купот: Сван Драме (13 години, Франција), Катарина Барата (13 години, Португалија), Мигел Борхес (19 години, Португалија), Денис Аладев (13 години, Русија). Младите амбасадори го презентираа значењето на уникатниот трофеј и неговата историја на генералниот секретар на Бразилската фудбалска конфедерација, г. Волтер Фелдман  и менаџерот за технички развој и општествена одговорност на бразилскиот национален фудбалски тим, г. Диого Нето.

Бразилскиот национален фудбалски тим беше прогласен за доследен за „Купот на девет вредности“ како резултат на отворено гласање, каде учествува млади учесници од 211 држави и региони во светот. Учесниците во проектот „Фудбал за пријателство“ му оддадоа признание на бразилскиот национален фудбалски тим како најопштествено одговорен од 32. национални фудбалски тимови, кои учествуваа на ФИФА Светското првенство 2018 во Русија.

Бразилската фудбалска репрезентација е петтиот добитник на „Купот на девет вредности“. Започнувајќи од 2015 година, трофејот беше доделен на фудбалските екипи на Барселона (Шпанија), Баерн Минхен (Германија), Ал Вахда (Сирија) и Реал Мадрид (Шпанија).

„’Купот на девет вредности’ е сосема нов, навистина невообичаен трофеј кој се доделува за почитување и примена на вредностите на програмата, како праведност, посветеност и традиција. Овие вредности се од суштинска важност за сите – и децата и возрасните. Оваа година трофејот за првпат беше доделен на тим од Латинска Америка – уште еден доказ дека не постојат бариери кога станува збор за фудбалот и пријателството!“ – изјави г. Волтер Фелдмен.

„Навистина сум среќна што програмата ‘Фудбал за пријателство’ ми даде можност да се сретнам со членовите на репрезентацијата, па дури и лично да им го предадам ‘Купот на деветте вредности’. За да може еден човек да прерасне во успешна личност, од голема важност е да ги следи универзалните човечки вредности. Колку повеќе луѓе во светот зборуваат, дискутираат и го привлекуваат вниманието кон овие вредности, толку нашиот живот ќе стане подобар. За децата ширум светот ‘Купот на девет вредности’ претставува симбол на пријателство, единство и одговорен однос кон општеството во кое живееме” – вели Катарина Барата, млада учесничка во проектот „Фудбалот за пријателство“.

Интернационалната детска општествено одговорна програма „Фудбал за пријателство“ за првпат е имплементирана во 2013 година, од страна на компанијата „Гаспром“. Главните вредности кои ги промовираат учесниците во програмата се пријателство, еднаквост, правичност, здравје, мир, посветеност, победа, традиции и чест. Учесниците во програмата се млади фудбалери (момчиња и девојчиња, вклучувајќи ги и оние со пречки во развојот и посебни потреби) и млади новинари кои известуваат за настаните – дел од проектот „Фудбал за пријателство“ во рамките на Меѓународниот детски прес-центар. Финалните настани од овогодишната сезона на програмата „Фудбал за пријателство” ќе се одржат во Мадрид, во период од 28 мај до 2 јуни, 2019 година.

Роберто Морено ќе ја предводи шпанската репрезентација за мечот против Малта вечерва, откако Луис Енрике мораше да остане во Шпанија поради „итни семејни причини“, објави Шпанската фудбалска федерација (РФЕФ).

„Ла роха“ играат во Та Кали на Малта три дена откако ги почнаа квалификациите за Евро 2020 со 2:1 победа над Норвешка. Роберто Морено, кој долги години е асистент на Луис Енрике и со него работеше во Рома, Селта и Барселона, ќе биде привремен селектор.

Луис Енрике стана шпански селектор по Светското првенство во 2018, кога Хулен Лопетеги беше отпуштен пред шампионатот, а Фернандо Јеро ги однесе до осминафиналето, каде што загубија од Русија. Шпанија не се квалификуваше во финалето на Лигата на нации, но избегна испаѓање во втората лига во тешката група со Англија и Хрватска.