Реал Мадрид одиграа само 1:1 со Осасуна на „Сантијаго Бернабеу“, ставајќи крај на совршениот старт на сезоната за „кралевите“, резултат кој ги израмнува со Барселона на врвот на табелата во Ла лига.

Без повредениот Тибо Куртоа на голот, Реал поведоа во финишот на првото полувреме, кога во 42. минута, Винисиус Жуниор стрелаше по асистенцијата на Давид Алаба, но незгодниот противник успеа да израмни преку Кике Гарсија во 50. минута.

Сепак, „кралевите“ го имаа мечот во своите раце, кога во 78. минута, Унаи Гарсија доби црвен картон, а беше досуден пенал за домаќините. Меѓутоа, Карим Бензема, неверојатно по третпат во својата кариера не успеа да даде гол од пенал на Осасуна, откако ја погоди пречката. Бензема мислеше дека ја поправил грешката во 81. минута со гол, меѓутоа тој беше поништен поради офсајд.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-42409”));

Јувентус стигна до 3:0 победа над Болоња во меч од 8. коло во италијанската Серија А, во досега најубедлив меч за тимот на Масимилијано Алегри, по трите меча без победа во домашниот шампионат.

До победата, овојпат, ги предводеше српското дуо Душан Влаховиќ-Филип Костиќ. Прво, Влаховиќ му асистираше на Костиќ во 24. минута за водство од 1:0, резултат со кој се отиде на пауза, по што во 59. минута, самиот Влаховиќ зголеми на 2:0 по асистенцијата на Вестон Меккени. Победата беше потврдена во 62. минута преку Аркадијуш Милик.

Со победата, Јувентус се искачи на седмото место на табелата со 13 поени, седум зад лидерите во Италија, Наполи и Аталанта, додека Болоња по вториот пораз во низа под новиот тренер Тијаго Мота, се наоѓаат на 17. место со само 6 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-42415”));

Реал Сосиедад стигна до неверојатна 5:3 победа на гостувањето кај Џирона во еден од најлудите мечеви во досегашниот тек на шпанската Ла лига за, конечно, да сврзат две победи во новиот шампионат.

Гол-серијата започна во 8. минута кога Александер Сорлот ги донесе гостите во водство, но Џирона успеа да се врати со два гола преку Родриго Рикелме (23.) и Арнау Мартинез (27.), пред Норвежанецо Сорлот во 42. минута да осигура на одмор да се отиде со нерешен резултат, 2:2.

Џирона повторно дојде во водство во 48. минута преку Виктор Кастелјанос, пред да почне неверојатниот камбек на баскискиот клуб. Браис Мендез во 63. минута израмни на 3:3, за пет минути подоцна Мартин Зубаменди да ги донесе Сосиедад во водство, а Такефуса Кубо во 85. минута ги осигура трите поени за Сосиедад.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-42409”));