Винисиус Жуниор ја смести топката во мрежата само седум минути откако влезе во игра, за Реал Мадрид да го „скрши“ отпорот на Валјадолид и да стигне до 1:0 победа.

Зинедин Зидан го стартуваше мечот со Лука Јовиќ и Карим Бемзема на напаѓачката позиција, пред во второто полувреме да го внесе Бразилецот во игра, кој одговори со одлична реакција по една на прв поглед сомнителна ситуација во шестнаесетникот на гостите.

Иако беше јасно во офсајд позиција, сепак, топката не стигна до напаѓачот од Карим Бензема, туку од нозете на дефанзивците на Валјадолид, што потоа беше потврдено и од ВАР системот.

Ова е втора победа во три меча за Реал на стартот на сезоната, со што со 7 поени се израменти со Хетафе, Валенсија и Вилјареал, иако, секако Вилјареал и Валенсија имаат натпревар повеќе.

Vinicius Junior entra no segundo tempo e abre o placar para o Real Madrid.
Real Madrid 1×0 Real Valladolid pic.twitter.com/5aeAKrPp4H

— FutebolNews (@ofutebolnews) September 30, 2020

Последните три реванши од баражот за пласман во групната фаза на Лигата на шампионите не донесоа изненадувања, откако РБ Салцбург, данскиот Митјиланд и Краснодар ги визираа последните три билети.

Салцбург лесно со 3:1 го совлада Макаби Тел Авив, откако имаше и 2:1 предност од првиот натпревар, додека Митјиланд со 4:1 ја „уништи“ Славија Прага по ремито без голови во првиот меч.

Најинтересно беше во Солун, каде што ПАОК бркаше достижни 2:1 од првиот натпревар, но рускиот Краснодар во интересен финиш во кој трите гола се дадоа од 73. до 78. минута стигна до 2:1 победа.

ЛИГА НА ШАМПИОНИ, БАРАЖ, 2.МЕЧ

Митјиланд (Дан) – Славија Прага (Чеш) 4:1, прв меч 0:0, вкупно 3:1

ПАОК (Грц) – Краснодар (Рус) 1:2, прв меч 1:2, вкупно 2:4

Салцбург (Авт) – Макаби Тел Авив (Изр) 3:1, прв меч 2:1, вкупно 5:1

Неверојатната Аталанта, по фантастичната мината сезона во Серија А, покажува дека и оваа сезона ќе биде многу опасен тим, откако на „Олимпико“ го декласираше Лацио со 4:1.

Креатор на победата беше капитенот Алехандро „Папу“ Гомез, кој постигна два гола, откако во првото коло имаше гол и асистенција, за на совршен начин да му ја донесе на својот тренер Џанпјеро Гасперини победата број 100. на клупата на клубот од Бергамо.

Работата беше јасна по првите 45 минути – Робин Госенс во 10-тата минута ги „шокираше“ Лацио, пред во 32. минута да му асистира на Хатебер за 2:0, за Гомез во 44. минута да зголеми на 3:0. Каиседо во 57. минута им даде надеж на домаќините, пред само четири минути подоцна Папу со фантастичен гол да го постави конечниот резултат.