Спорт
Алонсо: Наскоро ќе се бориме со Ред бул!
Фернандо Алонсо верува дека Мекларен наскоро ќе „заборави“ на ривалите од „средината“ на Формула 1 и следна цел е да се „лови“ тимот на Ред бул.
Алонсо беше петти на првата трка од сезоната, Австралиското ГП, разделувајќи ги Даниел Рикјардо и Макс Ферс…
Фернандо Алонсо верува дека Мекларен наскоро ќе „заборави“ на ривалите од „средината“ на Формула 1 и следна цел е да се „лови“ тимот на Ред бул.
Алонсо беше петти на првата трка од сезоната, Австралиското ГП, разделувајќи ги Даниел Рикјардо и Макс Ферстапен, двајца возачи на Ред бул во првата трка на Мекларен со мотори на Рено. Меѓутоа, овој резултат беше помогнат од извртувањето на стартот на трката на Ферстапен и излегување на безбедносното возило, како и со проблемите на Хас (двата болида се откажаа) и на возачот на Рено, Карлос Саинс.
Мекларен МЦЛ33 болидот беше само шести најбрз болид на квалификациите, но Алонсо верува во голем напредок и во борба со Ред бул, кои исто така се со мотори на Рено.
„Работите дефинитивно ќе бидат подобри и подобри за Мекларен. Имаме голем потенцијал кој треба да го ‘отвориме’ од болидот. Ова е прва трка во комбинација Мекларен-Рено, така што не чека уште многу. Ќе видите во Бахреин. Ред бул се јасно пред нас, во групата со Мерцедес и Ферари, но Мекларен ќе влезе во таа група“, изјави Алонсо.
И пред трката во Австралија, Шпанецот изјави дека првата трка од сезоната ќе биде најслаба оваа сезона.
„Не заборавајте дека решивме да го смениме моторот доцна во 2017 година и моравме да редизајнираме голем број од деловите, посебно во задниот дел. Интеграцијата меѓу Мекларен и Рено уште не е 100 отсто завршена и затоа сум оптимист“, додава Алонсо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.