Спорт
Арсенал го чека Атлетико, Салцбург гостува во Марсеј
Четврток е резервиран за натпреварите во Лига Европа. Во првите полу-финални пресметки ќе играат Арсенал и мадридски Атлетико, односно Олимпик Марсеј и Ред Бул Салцбург.
Финале пред финалето, вака е наречен двомечот на најголемите фаворити за титулата …


Четврток е резервиран за натпреварите во Лига Европа. Во првите полуфинални пресметки ќе играат Арсенал и мадридски Атлетико, односно Олимпик Марсеј и Ред Бул Салцбург.
Финале пред финалето, вака е наречен двомечот на најголемите фаворити за титулата во Лига Европа. Во Лондон се очекува емотивна вечер бидејќи Арсен Венгер последен пат во кариерата ќе го предводи Арсенал во европски меч на домашен терен.
Францускиот стратег по 22 години ќе замине од клубот, а желбата му е разделбата да биде со освоен трофеј.
Под палката на Венгер, Арсенал е поразен до две европски финалиња, едно во Купот на УЕФА и едно во Лигата на шампионите. Од друга страна, во поновата историја Атлетико двапати губел во финалето во Лигата на шампионите, но двапати победил во Лига Европа.
Венгер има проблеми со формирање на тимот, Обамејанг нема право да игра во Лига Европа, неизвесен е настапот на Месут Езил, а Хенрик Мхитаријан е повреден.
Слични проблеми има и тренерот на Атлетико, Диего Симеоне. Фелипе Луис веќе еден месец е надвор од тимот, а под знак прашалник е настапот на Диего Коста. Шпанскиот репрезентативец се повреди на натпреварот со Спортинг во Лисабон, тој е со тимот во Лондон, меѓуутоа Симеоне тврди дека нема да игра.
Олимпик во Марсеј ќе го пречека најпријатното изненадување во Лига Европа, австриски Салцбург. Интересно овие екипи играа и во фазата по групи, во Марсеј немаше голови, а во Салцбург домаќинот победи, 1:0.
Олимпик Марсеј на домашен терен има само еден пораз на последните 21 натпревари, додека Салцбург на последните 17 натпревари во Лига Европа има само еден пораз.
Дуелите во Лондон и Марсеј ќе почнат во 21:05 часот, а реваншите се на програмата за една недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тотална промена во ждрепката за Лига Европа и Конференциската лига

Ждрепката за групните фази на Лигата на Европа и Лигата на Конференции ќе се одржи на една церемонија, а тоа носи голема промена во самиот процес. Наместо традиционалното извлекување со топчиња, распоредот ќе биде одреден со софтвер.
На сцената ќе се употреби само едно копче. Ќе се притиска на самиот почеток на обете извлекувања, што ќе активира програма која случајно ги одредува противниците и редоследот на домашните и гостинските натпревари.
Откако софтверот ќе ги обработи сите податоци, распоредот ќе биде објавен постепено.
Церемониите за извлекување започнуваат во петок, 29 август, во 13 часот по средноевропско време. Ќе биде извлечена и Шкендија, доколку го помине Лудогорец ќе биде во ждрепката за Лигата на Европа, во спротивно македонскиот првак оди во Конференциската лига.
Спорт
Реал Мадрид издвојува најмногу за плати од сите клубови во Европа

Реал Мадрид и во новата сезона 2025/2026 го потврдува статусот на клуб со највисоки плати во европскиот фудбал. Според податоците на специјализираните страници „Betideas“ и „Capology“, просечната годишна плата на играчите на „кралскиот клуб“ е 11,2 милиони евра.
Оваа бројка е дури за 60 проценти повисока од сумата што ја издвојуваат повеќето други европски гиганти. Интересно е што ова е сепак мало намалување во споредба со минатата сезона, кога просекот беше малку повеќе од 12 милиони евра.
Далеку зад Реал Мадрид е нивниот најголем ривал, Барселона, чии играчи заработуваат просечно 7,91 милиони евра годишно. Каталонците исто така забележаа пад, со оглед на тоа што минатата сезона просекот беше 8,5 милиони евра.
Третото место на рангирањето го зазема Манчестер сити со просечна плата од 7,43 милиони евра. Сепак, за разлика од шпанските гиганти, англискиот клуб ја зголеми својата сметка за плати за повеќе од еден милион евра во споредба со претходната сезона.
По водечкото трио следува Баерн Минхен со 7,38 милиони евра, потоа Пари Сен Жермен и Арсенал, кои издвојуваат околу 7 милиони евра за просечна плата.
Клубови со највисоки просечни бруто плати во светот
1. Реал Мадрид – 11,2 милиони евра
2. Барселона – 7,9 милиони евра
3. Манчестер Сити – 7,43 милиони евра
4. Баерн Минхен – 7,38 милиони евра
5. ПСЖ и Арсенал – 7 милиони евра
6. Ливерпул и Манчестер Јунајтед – 6 милиони евра
7. Челзи и Тотенхем – 4,5 милиони евра
Foto/ EPA/J.L. Cereijido
Спорт
Нико Ковач го продолжи договорот со Дортмунд

Тренерот на Борусија Дортмунд, Нико Ковач, го продолжи договорот со „милионерите“ до јуни 2027 година, објави германскиот клуб.
„Нико целосно се посвети на својата улога во Дортмунд. Тој многу добро го познава фудбалот, има јасни принципи, е искрен и директен во комуникацијата и наградува добра работа“, изјави Ларс Рикен, спортски директор на Дортмунд.
Ковач, кој претходно освои трофеи со Баерн Минхен и Ајнтрахт Франкфурт, го презеде тимот во февруари кога беа 11-ти на табелата во Бундеслигата, по лошиот почеток под водство на Нури Сахин.
Под негово водство, тимот стана многу постабилен и ја заврши сезоната на четвртото место, со што ја обезбеди Лигата на шампионите.
Медиумите известуваат дека клубот преговара со Челзи за потпишување на договорот со аргентинскиот стопер Арон Анселмино, со цел зајакнување на одбраната.
„Веруваме дека тука, заедно со клубот и навивачите, можеме да постигнеме нешто посебно. Нашите разговори во последните недели го зајакнаа моето верување дека можеме да изградиме долгорочен успех врз основа на досегашните резултати и да ја вратиме Борусија таму каде што припаѓа“, изјави 53-годишниот Ковач.