Спорт
Барселона зачекори во полуфиналето (Видео)
Барселона направи голем чекор кон пласманот во меѓу најдобрите четири екипи во Европа, откако во првиот четврт-финален меч воЛигата на шампионите ја победи Рома со 4:1.
Римјаните на „Ноу Камп“ излего со јасна определба, да ги затворат приодите кон свој…


Барселона направи голем чекор кон пласманот во меѓу најдобрите четири екипи во Европа кога во првиот четвртфинален меч во Лигата на шампионите ја победи Рома со 4:1.
Римјаните на „Камп Ноу“ излегоа со јасна определба да ги затворат приодите кон својот гол и со брза транзиција да се обидат да ѝ направат штета на Барселона.
Со таква тактичка определба Рома имаше 0:0 до 39. минута кога Де Роси постигна автогол, што ретко се гледа на фудбалските терени.
Еден гол предност Барса имаше по првиот дел, а предноста ја удвои во 54. минута со нов автогол. Овој пат Алисон го совлада грчкиот дефанзивец Манолас.
Во тие моменти играта на Рома се распадна, одбраната беше и премногу порозна, а како резултат на таквата игра дојде и голот на Пике во 58. минута.
Трошка надеж на Рома дека ќе може да направи некакво чудо во реваншот ѝ даде Џеко со погодокот во 80. минута.
Но, она што го стекнаа со многу труд, римјаните лесно го изгубија кога во 87. минута Луис Суарез меѓу шестмина играчи успеа да ја искористи катастрофалната интервенција на Гоналон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Дуан го искрши болидот во Сузука

Жесток судар се случи на почетокот на вториот тренинг на патеката Сузука, за Големата награда на Јапонија во Формула 1.
Австралиецот Џек Дуан изгуби контрола над својот Алпин и удри во заштитниот ѕид.
Иако автомобилот е речиси целосно уништен, за среќа, Дуан не е повреден и без проблеми излезе од возилото.
Според првите шпекулации, се чини дека ДРС системот на Австралиецот откажал на стартната линија, односно не се затворил по линијата, што довело до лебдење на задниот дел од болидот.
По пауза од 25 минути, тренинго продолжи, а повторно беше прекинат по само неколку минути.
Прво Фернандо Алонсо се заглави во песокот откако ја закачи тревата при влегувањето во осмата кривина, а потоа се запали тревата покрај патеката, па маршалите мораа да ја изгаснат.
A sizeable crash for Jack Doohan in FP2 😱
He is OK and out of the car#F1 #JapaneseGP pic.twitter.com/uCDCUcGKcy
— Formula 1 (@F1) April 4, 2025
Спорт
Шер го продолжи договорот со Њукасл

Фудбалерот на Њукасл, Фабијан Шер го продолжи договорот со англискиот клуб до крајот на следната сезона.
„Задоволни сме што го продолживме договорот со Фабијан. Тој одигра голема улога во развојот на клубот во изминатите неколку години и продолжува да игра важна улога и на теренот и надвор од него“, изјави спортскиот директор на Њукасл, Пол Мичел, а пренесува клупската веб-страница.
Швајцарскиот дефанзивец му се приклучи на Њукасл од Депортиво Ла Коруња во јули 2018 година и оттогаш одигра 221 натпревар за англискиот клуб.
Шер (33) кој забележа 86 настапи за швајцарската репрезентација годинава со Њукасл го освои Лига купот. На натпреварите на патот до финалето постигна два гола и забележа една асистенција, додека во финалето против Ливерпул го одигра целиот натпревар.
Њукасл е петти во Премиер лигата со 50 бодови и до крајот на сезоната ќе води жестока борба со Челси и Манчестер сити за директен пласман во Лигата на шампионите.
Спорт
Вокер не ја исклучува можноста да се врати во Сити

Англискиот репрезентативец Кајл Вокер изјави дека ниту знае, ниту може да каже дали кариерата ќе ја продолжи во Милан.
Кајл Вокер во Милан пристигна во јануари како позајмен играч од Манчестер сити.
Иако се шпекулира дека Милан ќе потпише перманентен договор со него на крајот од сезоната, Вокер вели дека не знае што го чека во иднина.
„Кога ќе дојдеш до точка кога треба да се збогуваш, навистина е тешко. Кога се поздравив, Пеп стана и ми кажа навистина убави работи и ми испрати навистина убава порака, ми се заблагодари за се”, рече Вокер за заминувањето од Сити.
„Но, дозволете ми да ви кажам, не е готово. Овде сум на позајмица. Занм дека дека постои и можност да се вратам. Но, јасно е дека двете страни треба да постигнат договор за сè на крајот од сезоната. Тоа е поглавје што не е целосно завршено, но ќе видиме што ќе се случи”, рече Вокер на прашањето за неговата иднина.