Спорт
Биатлонската икона Бјерндален стави крај на кариерата
Норвешкиот биатлонец, Оле Еинар Бјерндален објави дека се повлекува од спортот по кариера во која освои осум олимписки злата и 20 светски титули во точно 25 години на скии.
„Мојата мотивација е несопирлива, и сите го знаете тоа, и биатлонот ми е забаве…
Норвешкиот биатлонец, Оле Еинар Бјерндален објави дека се повлекува од спортот по кариера во која освои осум олимписки злата и 20 светски титули во точно 25 години на скии.
„Мојата мотивација е несопирлива, и сите го знаете тоа, и биатлонот ми е забавен денеска исто како кога почнував, но ова е мојата последна сезона“, изјави Бјерндален на прес-конференција во солзи.
Познат во Норвешка како „Крал на биатлонот“, Бјерндален се заблагодари на своето семејство и на норвешкиот народ, откривајќи дека во последните години имал проблеми со срцето.
„Реагирав добро на третманот, но постојано се обидував да надополнам нешто“, изјави тој за неговата последна сезона во која беше само 43. во Светскиот куп и не беше избран во норвешкиот олимписки тим за Пјонгчанг.
44-годишниот Бјерднален освои 13 олимписки медали и беше најуспешниот зимски олимпиец во историјата до Пјонгчанг, кога неговата сонародничка, нордиската скијачка Марит Бјерген го сруши неговиот рекорд со 15 медали.
Сметан за еден од најголемите спортисти во историјата на Норвешка, Бјерндален е оженет со белоруската биатлонка и олимписка шампионка, Дарја Домрачева од 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.