Спорт
Германките го комплетираа составот за втората рунда (видео)
Германија со 30:28 ја совлада Чешка во последното коло во групата Д на Европското првенство во Франција, за да стане последната репрезентација која обезбедила место во втората рунда. Холандија во третиот меч ја забележа третата победа, декласирајќи ги …
Германија со 30:28 ја совлада Чешка во последното коло во групата Д на Европското првенство во Франција, за да стане последната репрезентација која обезбедила место во втората рунда. Холандија во третиот меч ја забележа третата победа, декласирајќи ги Хрватките со 34:23.
Чехинките солидно се „држеа“ во првото полувреме (16:16), но потоа Германките направија разлика од четири гола, за на крајот да триумфираат со 30:28 и пред вечерната пресметка помеѓу Романија и Норвешка да станат третиот патник од групата Д. Мајке Шмелцер со 7 гола беше најефиканска за Германија, додека пет гола имаа Белк и Гешке.
Холандија, пак, убедливо го освои првото место во групата Ц со третата победа во низа, овојпат со убедливи 34:23 над Хрватска. Делајла Амега имаше осум голови, Ангела Малестајн додаде 6 за „лалињата“, додека кај Хрватките по шест гола имаа Турк и Калаус.
ЕП ФРАНЦИЈА 2018
ГРУПА Ц
Холандија – Хрватска 34:23 (17:10)
Унгарија – Шпанија 21.00 ч.
Табела: 1.Холандија 6, 2.Шпанија 2, 3.Унгарија 2, Хрватска 0.
ГРУПА Д
Германија – Чешка 30:28 (16:16)
Норвешка – Романија 21.00 ч.
Табела: 1.Романија 4, 2.Германија 4, 3.Норвешка 2, 4.Чешка 0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.