Спорт
Едмунд му нанесе уште еден пораз на Ѓоковиќ
Ниту фудбалските ѕвезди Роналдо и Лука Модриќ на трибините не му донесоа среќа на Новак Ѓоковиќ на Мадрид опен, откако Кајл Едмунд ги искористи сите грешки на Србинот за 6:3/2:6/6:3 победа во второто коло.
Едмунд остана смирен во клучните поени во втор…
Ниту фудбалските ѕвезди Роналдо и Лука Модриќ на трибините не му донесоа среќа на Новак Ѓоковиќ на Мадрид опен, откако Кајл Едмунд ги искористи сите грешки на Србинот за 6:3/2:6/6:3 победа во второто коло.
Едмунд остана смирен во клучните поени во вториот сет, и направи клучен брејк за 5:3 водство во последниот сет, за да стигне до најголемата победа во својата кариера и да ја комплетира одличната пролет за него, откако во Казабланка го играше своето прво АТП финале и загуби од Пабло Андухар.
За Ѓоковиќ, ова е уште еден во низата фрустрирачки порази пред Францускиот опен, каде што со ваква игра тешко дека ќе биде еден од фаворитите. Тој во првото коло го мина Кеи Нишикори, уште еден тенисер кој се враќаше на терените по долга пауза поради повреда, но сега му останува уште Италија опен во Рим како подготовка за Ролан Гарос.
#Video Ronaldo dice presente en el Masters 1000 de Madrid y disfruta de Djokovic junto a Luka Modric. ¡El croata no fue citado para el duelo ante Sevilla y aprovecha del día libre! https://t.co/s5w3c40tUu
— SportsCenter (@SC_ESPN) May 9, 2018
(?@TennisTV ) pic.twitter.com/v7KWRU5QBC
— doublefault28 (@doublefault28) May 9, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.
Спорт
Борусија сите вработени ќе ги носи на финалето со Реал
Борусија Дортмунд на 1 јуни на „Вембли“ ќе го игра финалето од Лигата на шампионите против Реал Мадрид, а челниците на германскиот тим покажаа зошто популарните „милионери“ се голем клуб и колку се грижат за луѓето, кои се дел од целиот проект.
Сите вработени во клубот, на број се 519, ќе бидат специјални гости на мечот за највредниот трофеј во клупскиот фудбал. Сите трошоци ќе бидат на товар на Борусија.
На трибините ќе бидат сите од хигиеничарките до директорите.
На овој начин клубот сака да изрази благодарност за сето она што го прават секојдневно и придонесуваат за успехот на Борусија.
Освен тоа, „милионерите“ во Лондон ќе ги однесат сите членови на нивната младинска школа од 12 до 19 години, за да бидат дел од големиот спектакл.
Борусија Дортмунд последен пат беше во финалето на Лигата на шампионите во 2013 година кога токму на „Вембли“, загуби од Баерн (2:1).