Спорт
Икарди се враќа и Лаутаро и Симеоне дебитанти во аргентинската репрезентација
Напаѓачите од италијанската Серија А, Лаутаро Мартинез и Џовани Симеоне се меѓу 20-те нови фудбалери во аргентинската репрезентација за пријателските мечеви против Гватемала и Колумбија, потврди Аргентинската фудбалска федерација (АФА).
Преодниот селек…
Напаѓачите од италијанската Серија А, Лаутаро Мартинез и Џовани Симеоне се меѓу 20-те нови фудбалери во аргентинската репрезентација за пријателските мечеви против Гватемала и Колумбија, потврди Аргентинската фудбалска федерација (АФА).
Преодниот селектор, Лионел Скалони, реши да направи освежување на тимот, повикувајќи само 9 од 23-те фудбалери кои настапија на СП во Русија за мечевите во септември.
Мартинез, кој дојде во Интер од Расинг оваа сезона и напаѓачот на Фиорентина, Симеоне, синот на тренерот на Атлетико, Диего Симеоне, се повикани покрај Пауло Дибала, Анхел Кореа и Кристијан Павон. Мауро Икарди, кој не беше повикан од претходниот селектор Хорхе Сампаоли за СП, се враќа, но не и Гонзало Игуаин, Серхио Агуеро и Анхел ди Марија.
Од составот, секако, отсуствува и Лионел Меси, кој побара „пауза“ од националните обврски.
Помеѓу новите имиња се и Франко Мартинез, играчот од средниот ред на Севилја, како и Валтер Канеман од Гремио. Место има и за Сантијаго Аскасибар од Штутгарт и голманот на Реал Сосиедад, Херонимо Рули.
АРГЕНТИНА, НАЦИОНАЛНА РЕПРЕЗЕНТАЦИЈА
Голмани: Франко Армани (Ривер), Херонимо Рули (Реал Сосиедад), Серхио Ромеро (Манчестер јунајтед).
Дефанзивци: Фабрисио Бустос (Индепендиенте), Габриел Меркадо (Севилја), Херман Пецела (Фиорентина), Рамиро Фунес Мори (Вилјареал), Алан Франко (Индепендиенте), Николас Таљафико (Ајакс), Валтер Канеман (Гремио), Леонел ди Пласидо (Ланус), Едуардо Салвио (Бенфика), Маркос Акуња (Спортинг Лисабон).
Среден ред: Леандро Паредес (Зенит), Сантијаго Аскасибар (Штутгарт), Родриго Батаља (Спортинг Лисабон), Гонзало Мартинез (Ривер), Џовани Ло Селсо (ПСЖ), Франко Серви (Бенфика), Макси Меза (Индепендиенте), Матијас Варгас (Велез), Франко Васкез (Севилја), Езекиел Паласиос (Ривер).
Напаѓачи: Анхел Кореа (Атлетико Мадрид), Лаутаро Мартинез (Интер), Мауро Икарди (Интер), Џовани Симеоне (Фиорентина), Кристијан Павон (Бока јуниорс), Пауло Дибала (Јувентус)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.