Спорт
Има надеж за „Ла Масија“ – Барселона е младински европски шампион (видео)
Навивачите на Барселона беа загрижени откако нивниот клуб минатата недела играше без фудбалер излезен од „Ла Масија“, нивната школа првпат по 16 години, но дека има „талентирани деца“ покажа со освојување на Младинската лига на УЕФА со 3:0 победа над т…
Навивачите на Барселона беа загрижени откако нивниот клуб минатата недела играше без фудбалер излезен од „Ла Масија“, нивната школа првпат по 16 години, но дека има „талентирани деца“ покажа со освојување на Младинската лига на УЕФА со 3:0 победа над тимот на Челси.
Ѕвезда на финалето во Нион беше 17-годишниот Венецуелец, Алехандро Маркес, откако тој постигна два гола за да обезбеди Блауграна да го крене јуниорскиот трофеј. Во 32. минута од мечот, Абел Руиз нафрли, а Маркес постигна одличен гол со глава, за во 52. минута истиот фудбалер да го „реши“ мечот откако го надигра Гуехи и лесно го совлада голманот Каминс. Абел Руиз во 92. минута само ја потврди титулата на Блауграна.
Маркес се пресели во Шпанија како дете, и од 2013 година беше дел од младинската школа на Еспањол, пред да дојде во Барселона во 2017 година. Оваа сезона тој првпат влезе во составот на Барселона Б, тим кој настапува во втората шпанска лига.
Ова е втора титула на Барселона во ова натпреварување, по трофејот во 2014 година со што се израмнија со Челси, кои беа шампиони во 2015 и 2016. Минатата година трофејот го крена Ред бул Салцбург.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.