Спорт
Македонија пропушти сигурна победа кај Чешка, во Скопје да се „доврши“ работата

Македонската ракометна репрезентација водеше во текот на целиот меч, но на крајот одигра 24:24 (13:10) на гостувањето кај Чешката Република во првиот меч од баражот за пласман на СП во Полска и Шведска во 2023 година, за предупредување дека во недела во Скопје мора да се биде повнимателен за продолжување на традицијата за пласман на големите натпреварувања.
Момците на селекторот/капитенот Кирил Лазаров имаа одличен старт на мечот, поведувајќи со 1:4, за на полувреме да отидат со предност од три гола (10:13), која само ја зголемија во второто полувреме, пред во финишот да падне концентрацијата и наместо да се стигне до победа со четири-пет гола разлика, дозволивме Чесите да се доближат на гол разлика во последните минути од мечот, пред Кашпарек во последниот напад за Чесите да успеа да израмни.
Филип Талески со 5 гола беше најефикасен во македонската репрезентација, додека по четири гола постигнаа Лазаров и Гоце Георгиевски. Матеј Клима и Јакуб Хрстка беа најдобри за Чесите со по пет постигнати голови.
Реваншот се игра во Скопје во недела во 19 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола: После Сити, правам пауза, можеби 15 години!

Тренерот на Манчестер Сити, Пеп Гвардиола, објави дека, по престојот во „Етихад“ Сити, ќе направи пауза од фудбалот, потенцијално и до 15 години.
„Знам дека кога ќе ја завршам оваа фаза со Сити, ќе престанам, тоа е сигурно. Одлуката е донесена“, изјави Гвардиола за GQ Spain.
Договорот на Гвардиола со Сити истекува во 2027 година, и иако тој не кажа директно дека ќе замине тогаш, тој нагласи дека неговата одлука да направи пауза не е спорна.
„Не знам колку ќе трае паузата… една година, две, три, пет, десет, петнаесет – не знам. Но, ќе заминам по ова поглавје бидејќи морам да застанам и да се фокусирам на себе, на моето тело“, рече Шпанецот.
Гвардиола, кој пристигна на „Етихад“ во 2016 година, досега освои 18 трофеи со клубот, вклучувајќи шест титули во Премиер лигата и првата Лига на шампиони во историјата на Сити во сезоната 2022/2023.
Сепак, минатата сезона беше многу предизвикувачка бидејќи клубот заврши без трофеј, прв пат откако Гвардиола го презеде тимот.
„Поминав четири или пет месеци оваа сезона слушајќи 60.000 луѓе на гостувања како скандираат: „Ќе бидеш отпуштен наутро“. Нема друга професија каде што толку многу луѓе јавно сакаат да бидеш отпуштен.“
Последната сезона на Сити беше обележана со повреди, а освојувачот на „Златната топка“ Родрио ги скина предните вкрстени лигаменти во септември.
Тимот го имаше своето најрано испаѓање од Лигата на шампионите од сезоната 2012/2013 и заврши на третото место во Премиер лигата.
„Не беше толку лоша сезона. Игравме во финалето на ФА Купот, завршивме трети… не завршивме дванаесетти. Но, имавме 13, 14 натпревари без победа, тоа никогаш не ни се случи. Дури и кога победувавме, не мислев дека сме нешто посебно“, рече Гвардиола.
Манчестер Сити ја отвора новата сезона во Премиер лигата на 16 август против Вулверхемптон.
Фото/ Принскрин
Спорт
Чаби Алонсо не го сака Асенсио, тој нема намера да го напушти Реал

Чаби Алонсо беше исклучително авторитативен во своите барања откако го презеде Реал Мадрид ова лето.
Алонсо побара сериозни инвестиции од клубот во одбраната, што резултираше со доаѓањето на Трент Александар-Арнолд, Дин Хујсен и Алваро Карерас.
Според извештаите, клубот сè уште е на пазарот, се бара уште еден дефанзивец, со оглед на повредите и променливата форма на искусните играчи како Давид Алаба и Едер Милитао.
Во центарот на сите тие неизвесности, Раул Асенсио требаше да биде важна фигура во задната линија на Реал. Сепак, неговите неодамнешни натпревари во дресот на „кралскиот клуб“ значително влијаеја на неговиот статус, бидејќи Алонсо, според порталот „OK Diario“, ја изгубил довербата во младиот дефанзивец.
„ Асенсио нема никого да обвини освен себеси, бидејќи не го даде својот максимум на Светското клупско првенство и не го помина ригорозниот „тест“ на Алонсо, ставајќи ја неговата иднина во клубот во прашање“, пишува овој извор.
Постои голема неизвесност околу 22-годишникот, кој неодамна потпиша нов договор до 2031 година, откако блесна под водство на Карло Анчелоти минатата сезона.
Тој ги искористи повредите на своите поискусни соиграчи и влезе во првиот тим, имаше одлични игри. Сепак, неговите перформанси нагло паднаа во вториот дел од сезоната, а тоа беше особено очигледно на Светското клупско првенство.
Асенсио направи голема грешка во првиот натпревар против Ал Хилал, кога направи прекршок за пенал. Во вториот натпревар, против Пачука, доби црвен картон за непромислен старт.
Алонсо потоа го остави надвор од почетната постава до полуфиналето против ПСЖ, кога Хујсен беше отсутен.
Неговата слаба решителност и несигурните додавања од задната линија предизвикаа загриженост кај Алонсо, со оглед на тоа што тие елементи се клучни за стилот на игра што го форсира шпанскиот тренер.
Се вели дека Алонсо планира да користи формација со тројца во задната линија, но настапите на Асенсио не влеваат доволно доверба за да биде дел од тие планови.
Од друга страна, Асенсио е решен да се докаже во Реал Мадрид и ги отфрли понудите од клубови како Челзи, ПСЖ, Милан и Порто.
Спорт
Откриено е зошто Тадиќ не се пресели во Атлетико Мадрид

Српскиот фудбалер Душан Тадиќ неодамна беше на прагот да се пресели во Атлетико Мадрид, но договорот пропадна во последен момент.
Тадиќ пристигна во шпанската престолнина на завршните преговори, но договор не беше постигнат.
Според „Телеграф“, „јорганџиите“ во меѓувреме ја смениле својата понуда и му понудиле на Тадиќ помалку пари од договореното.
Атлетико ја намалил сумата која требала да му биде исплатена преку бонусите, во зависност од настапие, головите, асистенциите, освоените трофеи….
Откако не успеа да се договори со Тадиќ, Атлетико го ангажираше Тијаго Алмада од Ботафого, кој игра токму на позицијата на Душан, а цената на трансферот беше 21 милион евра.
Тадиќ го напушти Фенербахче на крајот од минатата сезона, Црвена звезда и Војводина се распрашуваа за него, но постојат големи шанси тој да ја продолжи кариерата во странство.