Спорт
Мекларен и Ред бул се сомневаат во легалноста на болидот на Хас
Шефот на Хас Ф1, најновиот Формула 1 тим, Гинтер Штајнер ги отфрли обвинувањата дека нивниот болид е нелегална копија на минатогодишниот болид на Ферари, откако тимовите на Ред бул и Мекларен официјално побараа мислење од ФИА.
Возачот на Мекларен, Ферн…
Шефот на Хас Ф1, најновиот Формула 1 тим, Гинтер Штајнер, ги отфрли обвинувањата дека нивниот болид е нелегална копија на минатогодишниот болид на Ферари откако тимовите на Ред бул и Мекларен официјално побараа мислење од ФИА.
Возачот на Мекларен, Фернандо Алонсо на Австралиското ГП изјави дека Хас се брзи бидејќи се копија на минатогодишниот болид на Ферари, а слични сомнежи појави и шефот на Ред бул, Кристијан Хорнер, како и од тимот на Форс Индија. Правилата во Ф1 се јасни – тимовите мораат да ја дизајнираат сами својата шасија и аеродинамика.
„Критичарите зборуваат без интелигенција и без познавање, така што ако имаат проблем нека протестираат пред ФИА. Тие гледаат духови и не го сфаќаат дизајнирањето на еден болид. Дали можеби требаше да ги копираме нивните болиди кои се зад нас, или треба да бидеме брзи. Нека одговорат на тоа“, изјави Штајнер за Би-би-си.
Директорот на трки на ФИА, Чарли Вајтинг, им даде зелено светло на Хас во Мелбурн и не е загрижен за поврзаноста на Хас со Ферари.
„Знаеме што се случува меѓу Хас и Ферари, и тоа е сосема легално. Лани имаше еден тим кој беше загрижен за таа ситуација, но во моментов нема ништо што не загрижува“, изјави Вајтинг.
Болидите на Хас беа изненадувачки конкурентни на тестирањето и на првата трка – Кевин Магнусен се квалификуваше на шестото место, а Роман Грожан на седмото и беа блиску до пласман на четвртото и петтото место, пред да се откажат откако беа пуштени на патеката со недоволно зацврстени тркала.
Но, дебатата е поширока и се однесува на тоа што треба да претставува еден тим. Ривалите се фокусирани на две работи – сличноста меѓу деловите на Хас и на Ферари, и како американскиот тим може да дизајнира конкурентен болид со најмалку вработени во Ф1.
Car comparison @HaasF1Team 2018 vs @ScuderiaFerrari 2017 #Techf1 @ScarbsTech @f1technical #SkyMotori @marcoasfalto @newseffe1 pic.twitter.com/3jeZA0qk99
— Salvatore Asero (@Graftechweb) February 15, 2018
Хас, кои се во сопственост на американскиот бизнисмен Џин Хас кој има огромно искуство во американските серии, ги купува сите делови кои правилата ги дозволуваат од Ферари и сами ги дизајнираат само деловите кои се задолжителни – аеродинамиката и шасијата. Суспензијата, менувачот, моторот, хидрауликата и електрониката се директно купени од Ферари. За разлика од нив, другите приватни тимови купуваат само мотори и менувачи (како Форс Индија и Вилијамс од Мерцедес).
Хас има 220 вработени, во споредба со речиси 600 во Вилијамс, 400 во Форс Индија и над 7000 во Мекларен. Шефот на Мекларен, Ерик Булие вели дека правилата се одговорност на ФИА.
„Постојат правила и мораме да веруваме во ФИА дека сите ја завршуваат својата работа според праивлата. Да, тие имаат скок во перформансите. Не се голем тим, а се блиску до Ферари. Некои делови изгледаат слично, но можеби е случајност“, вели Булие.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.