Спорт
МФМ го врати во календарот брзинскиот мотоциклизам
Оваа година по пауза од повеќе од 10 години, брзинскиот мотоциклизам повторно е дел од системот натпревари на Мотоциклистичката федерација на Македонија (МФМ). По долгата пауза и неможноста македонските мотоциклисти да се натпреваруваат за шампионатот …
Оваа година по пауза од повеќе од 10 години, брзинскиот мотоциклизам повторно е дел од системот натпревари на Мотоциклистичката федерација на Македонија (МФМ). По долгата пауза и неможноста македонските мотоциклисти да се натпреваруваат за шампионатот на Македонија во брзински мотоциклизам, годинава новото раководство на федерацијата со помош на државата ги враќа сите шампионати во својот календар. Натпревар од шампионатот на Македонија, ќе се одржи вокендот од 6-8.јули на патеката во Серес, Грција. На ова апатека ќе се одржат два натпревара од календарот за 2018 година.
Класи во кој ќе се натпреваруваат мотоциклистите за Шампионатот на Македонија се следните:
-125 (мотоцикли до 125 кубни сантиметри, натпреварувачка спецификација)
-600 Формула (мотоцикли до 600 кубни сантиметри, сериски мотоцикли)
-600 Супер Спорт (мотоцикли до 600 кубни сантиметри, натпреварувачка спецификација)
-1000 Формула (мотоцикли до 1000 кубни сантиметри, сериски мотоцикли)
-1000 Супербајк (мотоцикли до 1000 кубни сантиметри, натпреварувачка хомологација).
Трката ќе биде организирана во соработка со Балканската мото унија, која е организатор на Балканскиот шампионат во мотоциклизам на кружни патеки на истата патека.
Патеката во Серес, Грција со својата близина и конфигурација за моментов е единствената која ги задоволува стандардите за организација на натпревар во брзински мотоциклизам, но во иднина амбицијата на новото раководство на федерацијата е да се погрижи сите мотоциклистички шампионати да добијат сопствени патеки каде би се организирале идните национални и меѓународни натпревари.
Наскоро ќе биде објавен календарот за сите претстојни натпревари од Шампионатите на Македонија во Ендуро, Мото Крос и Мото рели, како и подетална информација за традиционалните мото активности на федерацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.