Спорт
Пелистер со гол во 91. минута го победи Вардар
Во тоа што еднаш беше големо дерби на македонскиот фудбал, Пелистер на „Филип Втори“ успеа да го совлада Вардар со 3:2 со гол во 91. минута во грчевитата борба за опстанок.
„Црвено-црните“ водеа со 1:0 и со 2:1, но гостите успеаја да освојат три поени …


Во тоа што еднаш беше големо дерби на македонскиот фудбал, Пелистер на „Филип Втори“ успеа да го совлада Вардар со 3:2 со гол во 91. минута во грчевитата борба за опстанок.
„Црвено-црните“ водеа со 1:0 и со 2:1, но гостите успеаја да освојат три поени и да ги остават зад себе Скопје на последното место на табелата, откако тимот од Автокоманда загуби со 3:1 од новиот шампион Шкендија, иако се држеше на 1:1 на полувремето.
Барсегјан ги донесе Вардар во водство уште во осмата минута, но само пет минути подоцна, Трифуновски од пенал израмни на 1:1. Вардар повторно поведе во 60. минута со гол од белата точка на Блажевски, но Пелистер прво израмни преку Коњарски, пред Благоја Наумовски да донесе три поени за „зелените“.
Победата на Пелистер ќе вредеше повеќе доколку Победа загубеше од Силекс, меѓутоа прилепчани со минимални 1:0 ги совладаа кратовци за да останат со поен пред Пелистер на табелата (35-34).
ПРВА ЛИГА, 34.КОЛО
Академија Пандев – Работнички 0:1
Победа – Силекс 1:0
Шкендија – Скопје 3:1
Шкупи – Ренова 3:0
Вардар – Пелистер 2:3
ТАБЕЛА: 1.Шкендија 85, 2.Вардар 53, 3.Работнички 48, 4.Силекс 46, 5.Шкупи 45, 6.Академија Пандев 42, 7.Ренова 41, 8.Победа 35, 9.Пелистер 34, 10.Скопје 32
Фото: ФК Вардар
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола на трансфери потрошил две милијарди евра на трансфери

Манчестер сити го потврди враќањето на голманот Џејмс Трафорд, кој пристигна од Барнли во трансфер што претставува британски рекорд за играч на таа позиција. Овој 22-годишник се враќа на „Етихад“, стадионот каде што ја започна кариерата, во трансфер вреден 36 милиони евра. Сумата на крајот би можела да биде поголема бидејќи зависи и од бонусите.
Гвардиола достигна еден вид рекорд со овој трансфер на „граѓаните“, бидејќи стана првиот тренер во историјата на фудбалот кој потрошил повеќе од две милијарди евра за засилувања во текот на својата кариера.
Голманот Трафорд е 96-ти играч за кого Шпанецот платил отштета во својата тренерска кариера.
Најблиску до Гвардиола по пари потрошени за трансфери е, верувале или не, Диего Симеоне со 1,31 милијарди евра потрошени за засилувања во Атлетико Мадрид.
По нив следува Масимилијано Алегри, кој потрошил 1,2 милијарди за трансфери во Милан и Јувентус, пред сè, иако ги предводеше и Каљари, Сасуоло, Гросето, Спал и Аљанезе, потоа Томас Тухел со 1,19 милијарди (Мајнц, Борусија Дортмунд, ПСЖ, Челзи, Баерн) и Антонио Конте со 1,16 милијарди (Бари, Аталанта, Сиена, Јувентус, Челзи, Интер, Тотенхем, Наполи).
Foto/ EPA
Спорт
Анте Ребиќ ќе потпише за Хајдук

Поранешниот хрватски репрезентативец, Анте Ребиќ, постигна договор со Хајдук.
Долго траеја преговорите меѓу двете страни. Минатата недела медиумите во Хрватска објавија дека трансферот нема да биде реализиран од финансиски причини. Хајдук нудел 350.000 и одредени бонуси како годишна плата, а Ребиќ барал двојно повеќе.
На крајот, Ребиќ реши да ја прифати последната понуда што му ја упати Хајдук, па во новата сезона ќе ги брани боите на тимот од Сплит.
Освојувачот на второто место на Светското првенство со Хрватска ќе игра за Хајдук за прв пат во својата кариера.
Ребиќ е роден во Сплит, но никогаш немал можност да го носи дресот на тимот од „Пољуд“. Во помладите категории, како и на почетокот на својата професионална кариера, бил член на фудбалскиот клуб Сплит.
Во Хајдук ќе заработува 450.000 евра годишно, со можност таа бројка да се зголеми преку бонуси.
Foto/ EPA
Спорт
Ако добие „понуда што не се одбива“, Барселона ќе го продаде Левандовски

Роберт Левандовски, најдобриот стрелец на Барселона е тема во денешните изданија на каталонските медиуми.
„Мундо Депортиво“, откри дека клубовите од Саудиска Арабија внимателно ја следат ситуацијата во Барселона и дека не е невозможно да се одлучат за Полјакот во овој преоден рок.
Причините се јасни, Барселона се уште има финансиски проблеми поради што не може да регистрира играчи, што значи дека Каталонците мора да продадат еден од своите играчи.
Марк-Андре тер Штеген одби трансфер, потоа повторно се повреди и заврши на операција и ќе отсуствува меѓу три и пет месеци. Андреас Кристенсен исто така одлучи да остане до следното лето, па Барса сега нема многу опции.
Во клубот се задоволни од Левандовски, несе размислува за негова продажба, но профитабилна понуда од Саудиска Арабија би можела да ги натера челниците да се предомислат.
Полјакот има 36 години, има договор до следното лето, а во исто време, неговите приходи ќе се зголемат во последната сезона. Тој е фудбалерот со најголема плата во Барселона.
Ова се сите причини зошто Барселона нема да остане имуна на профитабилна понуда од Саудиска Арабија.
„Мундо Депортиво“ не именува ниту еден арапски клуб конкретно, но не е тајна дека Ал Хилал бара замена за Александар Митровиќ, кој не е во плановите на Симоне Инзаги.
Во случај Левандовски да прифати огромна сума од Арапите, Ханси Флик ќе смета на Феран Торес и Маркус Рашфорд во шпицот на нападот.
Да ве потсетиме, Барса го донесе Левандовски во летото 2022 година од Баерн Минхен за 45.000.000 евра + 5.000.000 преку бонуси. Полјакот ја оправда инвестицијата, бидејќи помогна да се освојат две титули во Ла Лига, Купот на Кралот, два Суперкупа на Шпанија.
Фото/ Принскрин