Спорт
Продолжува „препородот“ на Јунајтед, Челси без минуција, гол-шоу во Бурнемаут (видео)
Додека другите фудбалски земји им дозволија на своите ѕвезди да одморат пред вториот дел од сезоната, фудбалот во Англија не престанува во вечер во која имаше шест натпревари од Премиер лигата.
Оле Гунар Солксјер ја забележа и четвртата победа на чело …
Додека другите фудбалски земји им дозволија на своите ѕвезди да одморат пред вториот дел од сезоната, фудбалот во Англија не престанува во вечер во која имаше шест натпревари од Премиер лигата.
Оле Гунар Солксјер ја забележа и четвртата победа на чело на Манчестер јунајтед по тешко извојуваната 021 победа на гости на „Сент Џејмс Парк“ кај секогаш незгодните Њукасл јунајтед, Челси немаше муниција со Саутемптон (0:0), додека Бурнемаут и Ватфорд приредија гол-шоу (3:3).
Ромелу Лукаку, конечно, се запиша во листата на стрелците за „ѓаволите“, откако во 64. минута ја искористи лошата реакција на голманот на Њукасл, Дубравка, а кам-бек кај „црвените“ имаше и Алексис Санчез, кој одлично му асистираше на Маркус Рашфорд во вториот гол во 80. минута.
Јунајтед останува на шестата позиција во Премиер лигата со 38 поени, три помалку од петопласираниот Арсенал и шест помалку од Челси, кои повторно загубија поени по ремито без голови со Саутемптон.
Најмногу голови во ова новогодишно коло имаше во Бурнемаут, каде што домашните двапати се враќаа од воство на Ватфорд за 3:3 реми. Многу голови имаше и во Лондон, каде што Вест хем и Брајтон одиграа 2:2.
ПРЕМИЕР ЛИГА, 21.КОЛО
Бурнемаут – Ватфорд 3:3
Челси – Саутемптон 0:0
Хадерсфилд – Барнли 1:2
Вест хем – Брајтон 2:2
Вулверхемптон – Кристал палас 0:1
Њукасл – Манчестер јунајтед 0:2
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Феликс во голем проблем, за Барса непотребен, во Атлетико непожелен
Жоао Феликс на лето би можел да се најде во нов проблем, Барселона не е подготвена да го купи, додека во Атлетико Мадрид никој не сака да се врати.
Извори од Мадрид денеска пишуваат дека Диего Симеоне јасно им ставил до знаење на раководството дека преговара или со Барселона или со кој било друг клуб за продажба или нова позајмица на Португалецот. Но, за прв пат се додава и дека ниту неговите соиграчи не сакаат тој да се врати во својот тим и во соблекувалната.
Очигледно, на ниту еден од играчите не му се допадна што Жоао Феликс прослави гол против нив и патем, навивачите прилично го замразеа поради тоа.
На играчите им е доста од неговото недолично однесување, веруваат дека не се вклопува во тимот и дека е премногу егоцентричен и дека и со своите квалитети не прави разлика на теренот.
Инаку, Атлетико Мадрид постави цена од 60 милиони евра, но Барселона нема намера да плати толку. Дополнително, Чави Ернандез изјави дека на позицијата лево крило повеќе би сакал Дани Олмо и Никo Вилијамс.
Спорт
Албанија и Србија со заедничка кандидатура за младинското ЕП во 2027 година
Фудбалските сојузи на Албанија I Србија поднесоа официјална кандидатура за организација на Европското првенство за фудбалер до 21 година во 2027 година.
Информацијата ја објави албанскиот сојуз.
„Албанскиот фудбалски сојуз соопштува дека се пријави за организација на завршниот турнир ЕУРО 2027 за играчи до 21 година. АФЛ ќе соработува со Фудбалскиот сојуз на Србија, бидејќи нашата земја не ги исполнува условите да биде домаќин на сите натпревари на ЕУРО 2027 година“, соопштија од Тирана.
Подетални информации се официјализирани на веб-страницата на албанската куќа на фудбалот.
„По успешното домаќинство на првото финале на Конференциската лига на УЕФА во Тирана во 2022 година и добивањето на организацијата на ЕП за кадети во 2025 година, АФЛ бара да биде домаќин на уште еден голем европски фудбалски настан.
Албанија е еден од главните кандидати за домаќин на финалните натпревари на Европското првенство за млади репрезентации во 2027 година. АФЛ испрати барање до УЕФА Албанија да биде една од земјите-домаќини на завршниот турнир на ова натпреварување.
Бидејќи не се исполнети условите за бројот на стадиони потребни за нашата земја да биде домаќин на сите натпревари на Европското првенство, АФЛ ќе соработува со Фудбалскиот сојуз на Србија за заедничка организација на финалната фаза на ЕУРО 2027 година.
Ова е несомнено многу амбициозен проект, кој би ја ставил Албанија во центарот на фудбалското внимание на целиот континент“.
Фудбалскиот сојуз на Србија засега не се огласил по ова прашање.
Наскоро се очекува да пристигне потврда од Белград.
Спорт
Кубарси го продолжи договорот со Барселона – Откупната клаузула изнесува 500 милиони евра
Младиот шпански фудбалер Пау Кубарси (17) го продолжи договорот со Барселона до 2027 година, објави клубот. Откупната клаузула во договорот изнесува 500 милиони евра.
Пау Кубарси, кој беше вклучен во првиот тим од тренерот Чави Ернандез минатиот јануари, доживеа метеорски подем и се етаблира како стартер практично од своето професионално деби.
Каталонецот беше повикан во шпанската репрезентација по само десет одиграни натпревари во прифесионалната кариера, а веројатно ќе биде и во составот на Шпанија на Европското првенство во Германија.