Спорт
РК Вардар: Стоилов, Шишкарев, Поповски и Ѓорѓески потпишаа нови договори
Капитенот Стојанче Стоилов заедно со Даниил Шишкарев, Даниел Ѓорѓески и Мартин Поповски остануваат верни на ракометниот клуб Вардар и во следните сезони.
Сите играчи беа дел од успесите на клубот во последните две сезони, во освојување на европската ти…
![](https://makfax.com.mk/wp-content/uploads/2018/07/b5b5e12e469df23ae173e73a77cbb84c.jpg)
![](https://makfax.com.mk/wp-content/uploads/2018/07/b5b5e12e469df23ae173e73a77cbb84c.jpg)
Капитенот Стојанче Стоилов заедно со Даниил Шишкарев, Даниел Ѓорѓески и Мартин Поповски остануваат верни на ракометниот клуб Вардар и во следните сезони.
Сите играчи беа дел од успесите на клубот во последните две сезони, во освојување на европската титула и трофеите во СЕХА лигата и домашното првенство и Купот.
Уште најмалку две сезони „црвено-црниот” дрес на Вардар ќе го носат пивотменот Стојанче Стоилов и десното крило Даниил Шишкарев. Двајцата репрезентативци, едниот на Македонија а другиот на Русија се договорија со клубот за продолжување на соработката до јуни 2020 година.
Во Вардар најмалку уште една сезона ќе останат и голманот Даниел Ѓорѓески и крилото Мартин Поповски. Тие потпишаа договори до јуни 2019 година. Токму со настапите во Вардар, десното крило Мартин Поповски се избори и за репрезентативен статус во сениорскиот тим на Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Шишето на Пикфорд ќе влезе во историјата на ЕП
![](https://makfax.com.mk/wp-content/uploads/2024/07/pik.jpg)
Англичаните не дозволија историјата да се повтори, а овојпат успеаа да го совладаат противникот во пенал рулетот.
Сите пет играчи на Англија успешно ги изведоа пенали, а заслугата за влез во полуфиналето ја превзема Пикфорд, одбранувајќи го ударот на Аканџи.
На овој начин беше елиминирана Швајцарија, а беше забележан интересен детал на шишето од кое англискиот голман пиеше вода.
На него имаше список на играчите од Швајцарија со забелешка на која страна ќе се шутира пеналот.
За Аканџи пишуваше дека ќе шутира по левата страна од својот гол.
Спорт
За Кимих, Крос е најдобриот германски фудбалер на сите времиња!
![](https://makfax.com.mk/wp-content/uploads/2024/07/krossss.jpg)
Германската фудбалска репрезентација вчера беше поразена од Шпанија во четврт-финалето на Европското првенство, а испаѓањето на „панцерите“ од шампионатот го означи крајот на кариерата на легендарниот Тони Крос.
Неодамнешниот ас на Реал Мадрид и на „панцерите“ ги закачи копачките на 34 години, а во кариерата освои се што може да се освои, освен титулата европски првак со репрезентацијата.
Соиграчот на Крос од германската репрезентација Џошуа Кимих изјави дека легендарниот играч за врска е најдобриот фудбалер во историјата на оваа фудбалска земја.
„За мене тој е несомнено најдобриот играч што Германија некогаш го имала. Покрај тоа, тој е фантастична личност, пример за сите нас во соблекувалната“, изјави Кимих.
Тој своевремено ја делеше соблекувалната на Баерн Минхен со Крос
Спорт
(ВИДЕО) Аканџи трагичар, Англија ќе игра полуфинале на ЕП
![](https://makfax.com.mk/wp-content/uploads/2024/07/BELIG.jpg)
Фудбалерите на Англија и Швајцарија одиграа четвртфинален натпревар на Европското првенство, а конечниот резултат во Дизелдорф беше 1:1, по што победија со 5:3 по изведувањето пенали.
Како што навикнавме од селекцијата на Англија на ова ЕП, не го видовме бурниот старт на Гордиот Албион.
Швајцарците беа тие кои се обидоа да го искористат срамежливото влегување на Англичаните во мечот во првите минути.
Во првите минути од натпреварот всушност ништо сериозно не се ни случи.
Во 22. минута Хари Кејн имаше добра шанса, но неговиот удар со глава беше непрецизен.
Три минути подоцна одговори Швајцарецот. Емболо имаше можност да им се закани на Англичаните, но неговиот удар беше изблокиран во последен момент.
Англичаните по долго време се доближија и имаа добра шанса.
Кон крајот на полувремето Сака повторно најде начин да ја пробие противничката одбрана, ја врати топката до Мајно, но ударот на играчот на Манчестер Јунајтед беше изблокиран.
Конечно, во 74. минута видовме гол. Ндоје нафрли од десната страна, топката лошо ја закачи Стоунс, а Емболо ја додаде во мрежата.
Следуваше продолжение на натпреварот, и тука не видовме ниту еден гол. Па силите се одмеруваа во пенал завршница.
Кол Палмер ја започна првата серија пенали за Англичаните. Тој шутираше лево и го испрати Зомер надесно. За Швајцарија, прв на белата точка беше Аканџи, тој шутираше очајно и му дозволи на Пикфорд да го одбрани неговиот удар.
Белингем беше прецизен во втората серија, а погоди и Шар.
Сака ја презеде Англија во третата серија и беше прецизен, а прецизен беше и Шакири и покрај тоа што Пикфорд ја погоди страната.
Тони стрелаше во четвртата серија за Англичаните и беше сигурен. Амдуни мораше да даде гол за Швајцарија за неговата селекција да остане во игра, и беше сигурен.
Александер Арнолд имаше можност да ја заврши работата за репрезентацијата на Англија и погоди. Англија е во полуфиналето.