Спорт
Роналдо: Ќе бидам среќната ѕвезда на Јувентус
Кристијано Роналдо попладнево го стави својот потпис на договорот со Јувентус, по што следуваше официјалната промоција, кратка прес конференција и запознавањето со новите соиграчи.
Португалецот одговори на многу прашања, меѓу кои и на она најважното зо…
Кристијано Роналдо попладнево го стави својот потпис на договорот со Јувентус по што следуваше официјалната промоција, куса прес-конференција и запознавањето со новите соиграчи.
Португалецот одговори на многу прашања, меѓу кои и на она најважното зошто се решил за Јувентус како место каде што ќе ја продолжи кариерата.
„Не е лесно да се одговори на тоа прашање, Јувентус е еден од најголемите светски клубови. Добро размислив. Пријателите и колегите ми кажаа дека тоа е клуб во кој можам да играм и поради тоа потпишав за Јувентус. Тоа е голем клуб, најголем во Италија. На крајот одлуката и не беше толку тешка“, рекол Роналдо и продолжил.
„Повеќе размислувам за сегашноста. Го сакам фудбалот и сакам нови предизвици. Ова не е само кариера, туку и исполнување на соништата. Играв за Спортинг, Манчестер јунајтед, Реал и сега за Јувентус. Не можев да посакам ништо подобро. Ова е нов предизвик за мене бидејќи фудбалерите на моја возраст одат во Кина или во САД, а јас го избрав Јувентус. Можам да ја продолжам кариерата на високо ниво и тоа е најважното во овој момент. Во Реал минав девет прекрасни години, но дојде време да направам нов чекор во кариерата. Ќе се обидам да се докажам и тука, ќе покажам дека сум врвен фудбалер. Амбициозен сум и сакам нови предизвици“.
Главна цел на Јувентус со Кристијано Роналдо ќе биде да ја освои титулата во Лигата на шампионите.
„Знам дека трофејот во Лигата на шампионите е најпосакуван во секој клуб. Сигурен сум дека ќе се бориме за тој трофеј. Таа титула не се освојува лесно, но се надевам дека ќе помогнам во остварувањето на таа цел. Се надевам дека ќе бидам среќната ѕвезда на Јувентус“, рекол Роналдо.
Португалецот во Јувентус стигна за сума од 112 милиони евра, а со „старата дама“ потпишал договор на четири сезони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.