Спорт
Хамилтон и Фетел би сакале да се колеги, но тоа не е изводливо
Пред „дијамантот“ на Ф1 календарот, трката во Монако, двајцата најтрофејни активни возачи, Себастијан Фетел и Луис Хамилтон необично прозборуваа за можно партнерство во Ферари.
Фетел вели дека би го пречекал со отворени раце својот ривал за титулата, о…


Пред дијамантот на Ф1-календарот, трката во Монако, двајцата најтрофејни активни возачи, Себастијан Фетел и Луис Хамилтон, необично проговорија за можно партнерство во Ферари.
Фетел вели дека би го пречекал со отворени раце својот ривал за титулата бидејќи Хамилтон сè уште не го продолжил договорот (кој му завршува на крајот на годината) со Мерцедес. Фетел има договор со Ферари до 2020 година, но неговиот колега Кими Раиконен ќе биде слободен возач во 2019 година.
„Не знам, тој не ме прашал, но не би ми пречело. Да бидам искрен, пресреќен сум од партнерството што го имам со Кими, но никогаш не знаеш што ќе се случи. Сигурен сум дека Луис сака да продолжи со Мерцедес. Друго би било големо изненадување, но никогаш не се знае. Можеби еден ден ќе одиме двајцата во ист тим бидејќи веќе сме стари“, вели Фетел.
Партнерство Фетел-Хамилтон во Ферари би личело на славните денови на Ф1 на крајот на 80-тите кога Аиртон Сена и Алан Прост имаа луто ривалство во Мекларен. Хамилтон вели дека возач како Фетел само би го мотивирал да оди подалеку.
„Подготвен сум да се тркам со секого. Сега сум против него во прилично конкурентен болид и тоа е возбудливо. Во историјата кога има двајца силни возачи, тешко се прави рамнотежа, но тој работи добро со Кими. Во кариерата сум возел против најдобрите, како Фернандо Алонсо и Џенсон Батон, и тоа ти дава екстра мотивација. Валтери е фантастичен ривал и затоа имам мотивација. Не очекувам да бидеме колеги, освен ако не возиме на Ле Ман еден ден“, додава Хамилтон.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гарначо сака да игра во Премиер лигата и во Лигата на шампионите

Алехандро Гарначо, по завршувањето на сезоната доби јасна порака да бара нов клуб. Младиот Аргентинец има план, сака да остане во Премиер лигата и да игра во Лигата на шампионите.:
Ова значи дека неговата желба е да ја продолжи кариерата во еден од петте првопласирани тимови минатата сезона: Ливерпул, Арсенал, Манчестер Сити, Челзи и Њукасл, плус Тотенхем, кој преку Лигата на Европа избори пласман во најелитното клупско натпреварување во Европа.
Сепак, „Црвените ѓаволи“ не сакаат да му ја исполнат желбата. Јасно е дека тие не сакаат да ги засилат своите ривали и затоа не се подготвени да го пуштат Гарначо во друг англиски клуб.
На „Олд Трафорд“ посакуваат клуб од Шпанија, Италија или Германија да покаже сериозен интерес за Аргентинецот, поради што наводно ги намалиле своите побарувања.
Сè уште има многу време до крајот на преодниот рок и ќе видиме како на крајот ќе се реши „случајот Гарначо“.
Талентираниот Аргентинец не беше задоволен од својот статус минатата сезона, исто како што Рубен Аморим не беше задоволен од неговите изданиеја на теренот, па по поразот во финалето на Лигата на Европа од Тотенхем, тие вербално се судрија.
Алехандро Гарначо е еден од петте непосакувани играчи на Јунајтед, на кои клубот не им дозволува да тренираат со остатокот од првиот тим. Покрај Гарначо тука се и Маркус Рашфорд, Џејдон Санчо, Ентони и Тирел Маласија.
Досега, само Маркус Рашфорд најде нов клуб, тој ќе ја помине следната сезона на позајмица во Барселона.
Фото/ Принтскрин
Спорт
Пакета ослободен од обвинувањара, Сити повторно ќе се обиде да го ангажира

Сите обвинувања против бразилскиот играч од средниот ред, Лукас Пакета, поради обложување конечно се отфрлени и тој може да продолжи нормално да игра фудбал.
Одлуката требаше да биде донесена во април, но беше одложена до летото. Сега конечно се е завршено, а за Пакета сè уште не е познато каде ќе игра од почетокот на следната сезона.
Токму поради скандалот со обложување, трансферот на Пакета во Манчестер Сити минатата сезона, вреден 80 милиони евра, пропадна.
Сепак, штом „Граѓаните“ ја дознаа одлуката на судот, повторно се активираа. Овој пат, Сити би можел да го добие играчот за двојно помала сума од претходното лето.
Имено, цената за Пакета е преполовена и сега е некаде околу 40 милиони евра. Сити започна кампања, а Вест Хем ќе се бори да го задржи, и покрај тоа што има договор до 2027 година.
Пакета одигра 36 натпревари минатата сезона и постигна пет гола.
Foto/ West Hаm „X“
Спорт
Холанѓанецот Ферстапен го надмудри Мекларен и ја оствари првата спринт победа

Возачот на Ред Бул, Макс Ферстапен, триумфираше на третата спринт трка во сезоната, која се одржа во рамките на Големата награда на Белгија, 13-то коло од овогодинешното првенство во Формула 1.
Холанѓанецот ја оствари својата прва спринт победа годинава со предност од седум и пол десетинки во однос на Оскар Пјастре од Мекларен. Третото место на подиумот го освои другиот возач на британскиот тим, Ландо Норис, кој беше нешто помалку од седум десетинки од секундата зад својот соиграч. Интересно е што спринт трката во Спа е прва во историјата откако Кристијан Хорнер повеќе не беше шеф на тимот во Ред Бул, па Верстапен му донесе триумф на тимот на дебито на Лоран Маки.
Фото: принтскрин