Спорт
Чилиќ подобар од Ѓоковиќ во трилер-финалето на Квинс Клаб
Првиот носител, Марин Чилиќ ја освои титулата од елитниот подготвителен турнир за Вимблдон, Квинс Клаб, откако спаси меч-топка пред да стигне до 5:7/7:6(4)/6:3 победа над српскиот ривал Новак Ѓоковиќ во маратонски меч кој траеше три часа.
Хрватот не ус…


Првиот носител, Марин Чилиќ ја освои титулата од елитниот подготвителен турнир за Вимблдон, Квинс Клаб, откако спаси меч-топка пред да стигне до 5:7/7:6(4)/6:3 победа над српскиот ривал Новак Ѓоковиќ во маратонски меч кој траеше три часа.
Хрватот не успеа да искористи пет меч топки во маратонскиот седми гем од првиот сет, за Ѓоковиќ да врати со брејк и да го освои првиот сет со 7:5. Во вториот сет, Чилиќ немаше шанси на сервис на Ѓоковиќ, а Србинот, кој одеше на првата титула од Квинс, имаше една меч топка на сервис на противникот, пред во тај-брејкот да пропушти водство од 4:1 и да го загуби со 7:4.
Во одлучувачкиот сет, на Чилиќ му беше доволен еден брејк да го победи уморниот противник и по вторпат да стигне до титулата од Квинс Клаб и само вторпат во кариерата да биде подобар од српскиот ривал.
„Едноставно се обидував да останам ментално во мечот, а ова беше навистина тежок тест. Немаше брејк за мене до тој последен гем. Ова беше една одлична недела за мене“, изјави Чилиќ, кој пред една година загуби во финалето од Фелисијано Лопез.
За триумфот, Чилиќ добива 500 АТП поени и 427.590 евра.
Ѓоковиќ одеше на својата 69. титула во кариерата, и ако ништо друго треба да биде охрабрен од својата игра по тешкото враќање од повредата на лактот. Ова беше негово прво финале по 51 недела.
„Марин заслужи да победи. За мене поразот беше тежок, но морам да гледам на позитивните работи. Не играв финале речиси цела година, така што чувството беше прекрасно“, вели 31-годишниот Ѓоковиќ.
Фото: ЕПА
It’s a second #QueensClub title for @cilic_marin!
He saves a championship point and defeats Novak Djokovic 5-7 7-6(4) 6-3 #QueensTennis pic.twitter.com/NductjQz7A
— Tennis TV (@TennisTV) June 24, 2018
How did he find the line from there?
Filthy from @cilic_marin ?#QueensTennis pic.twitter.com/BwLEHxSrir
— Tennis TV (@TennisTV) June 24, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ во елемент, го елиминира Зверев на Ролан Гарос

Новак Ѓоковиќ 12.пат во кариерата ќе игра во полуфиналето на Ролан Гарос. Во последното четвртфинале на вториот гренд слем во сезоната, Ѓоковиќ, по три часа и 17 минути, го победи третиот носител Александар Зверев со 3:1 (4:6, 6:3, 6:2, 6:4).
Српскиот тенисер го загуби првиот сет, но потоа влезе во својата „зона“ и целосно тактички го надигра германскиот тенисер. Клучниот удар што му ја донесе победата на Ѓоковиќ беше дроп-шот што го одигра речиси беспрекорно.
Како што одминуваше натпреварот, Зверев ја губеше енергијата. Најголемиот пад во играта на Германецот се виде од средишницата на третиот и раната фаза од четвртиот сет. Ѓоковиќ нанижа шест гема, вклучувајќи го и првиот во четвртиот сет со кој си го трасираше патот до победата.
Ѓоковиќ одржуваше континуитет во својата игра, доста високо ниво на тенис и го користеше секој удар на вистински начин.
Сепак, ќе мора да има нешто повеќе во следната рунда. Ѓоковиќ ќе игра против играчот број еден во светот, Јаник Синер.
Спорт
(Видео) Консеисао херој, Роналдо ја однесе Португалија во финалето на Лигата на нации

Португалија е првиот финалист на четвртото издание на Лигата на нации. Во првото полуфинале, Португалија го елиминираше домаќинот Германија со 2:1. Роналдо го постигна голот за победа, но играч на мечот беше Франсиско Консеисао.
Португалија по 25 години и пет порази во низа успеа да ја победи Германија. На ЕП во 2000 година Португалците славеа над Германија со 3:0 со хет-трикот на Серџо Консеисао, а вечерва неговиот син Франциско го иницираше пресвртот за победа.
Германците поведоа на стадионот во Минхен со голот на младата ѕвезда Флоријан Вирц во 48-та минута.
Португалците ја загубија топката во својата половина, а по елегантниот центаршут на капитенот Кимих, Вирц со глава ја испрати топката во мрежата.
Сепак, 15 минути подоцна, Португалија израмни со прекрасен гол на резервистот Франсиско Консеис.
Фудбалерот на Јувентус, само пет минути по влегувањето во игра, изведе одлична соло акција и со удар од околу 20 метри го совлада тер Штеген.
Пет минути подоцна Португалците го комплетираа пресвртот. Додавањето на Бруно кон Нуно Мендеш ја „пресече“ германската одбрана, левиот бек по земја го проигра Роналдо кој ја испрати топката во празната мрежа.
Роналдо, постигна гол за својата репрезентација по 137-ми пат.
Германија не успеа да се пласира во финалето на Лигата на нации ниту во четвртиот обид, додека Португалија ќе има можност да стане првата екипа со два трофеи во ова натпреварување.
Нивниот противник во финалето ќе биде победникот од дуелот меѓу Шпанија и Франција, кој ќе се игра во петок.
Спорт
Дончиќ од првиот ред го гледаше испаѓањето на Цибона од АБА лигата

Кошаркарскиот клуб Цибона прв пат во историјата испадна од елитаната дивизија на АБА лигата. Место во АБА лигата обезбеди Илирија.
По победата во првиот натпревар во Хрватска, словенечкиот тим оствари триумф во реваншот во Словенија со резултат 83:66, со што за прв пат обезбеди промоција во АБА лигата.
Во исто време, Цибона беше елиминирана од регионалното првенство за прв пат во историјата. Тимот од Загреб е еден од 12-те клуба што играа во првата сезона кога стигнаа до полуфиналето. Најголемиот успех го постигнаа во сезоната 2013/14 кога станаа шампиони со победата во финалето против Цедевита во Белград.
Винсен Голсон го предводеше домашниот тим со 22 поени и пет асистенции, Куреш додаде 20, а Микуш 14 поени и девет скока.
Кај Цибона, Иван Мајчуниќ се истакна со 22 поени и три скока и асистенции, но тоа не беше доволно. Ниту еден од неговите соиграчи немаше двоцифрен број на поени.
Натпреварот од трибините го гледаше Лука Дончиќ, кој пред повеќе од еден месец ја заврши сезоната во НБА лигата, откако ЛА Лејкерис испаднаа од Минесота во првото плеј оф коло во Западната конференција.
Таткото на Лука, Саша е генерален менаџер и советник на Илирија.