Спорт
Шифрин го одбрани кристалниот глобус
Микаела Шифрин ја одбрани титулата во генерален пласман од Светскиот куп во алпско скијање на пет трки пред крајот на сезоната, откако заврши како трета на велеслаломската трка во Офтершванг.
Во првата трка по освојувањето на едно злато (велеслалом) и …
Микаела Шифрин ја одбрани титулата во генерален пласман од Светскиот куп во алпско скијање на пет трки пред крајот на сезоната бидејќи заврши како трета на велеслаломската трка во Офтершванг.
Во првата трка по освојувањето едно злато (велеслалом) и едно сребро (комбинација) на Олимпијадата, на Американката ѝ беше доволен топ-6 пласман за да ја гарантира титулата. На крајот и тоа не беше потребно кога Венди Холденер, Швајцарката која единствена имаше теоретски шанси да ја претекне Шифрин, заврши на 14. место.
Норвежанката Рагнхилд Мовинкел покажа дека е во одлична форма за победата во Офтершванг пред Германката Викторија Ребензбург и Шифрин, која заостана 0,74 секунди.
MOMENTO D’ORO PER MOWINCKEL ???
Dopo le due medaglie olimpiche a Ofterschwang arriva la prima vittoria in Coppa del Mondo! #EurosportSCI | https://t.co/gDw7vWrJ4v pic.twitter.com/clti8Z1V4E
— Eurosport IT (@Eurosport_IT) March 9, 2018
22-годишната Шифрин станува само втората Американка со повеќе од една титула од Светскиот куп, покрај Линдзи Вон, која освои четири големи кристални глобуси. Шифрин имаше 11 победи оваа сезона, која ја почна со пет победи во низа.
„Секако е возбудливо! Тешко е да се опише што чувствувам, но секако е добро да се освои титулата пред финалето на СК во Оре“, вели Шифрин.
Додека големиот глобус е доделен, за титулата во велеслалом ќе има интересна трка во Шведска следната недела. Ребензбург има 92 поени предност пред Французинката Теса Ворлеј на една трка од претсезоната, а Шифрин заостанува 101 поен и веќе не е во игра.
Шифрин може да освои уште една титула овој викенд бидејќи има 175 поени предност во слалом пред Словачката Петра Влхова пред претпоследната трка од сезоната.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.