Спорт
Шкендија ако го мине Салцбург налетува на Звезда или Спартак!
Македонскиот шампион Шкендија ги дозна потенцијалните противници во баражот за пласман во натпреварите по групи во ЛШ, секако, доколку успее да го мине австрискиот шампион Ред бул Салцбург.
Противниците во баражот секако не се посилни од Ред бул, бидеј…
Македонскиот шампион Шкендија ги дозна потенцијалните противници во баражот за пласман во натпреварите по групи во ЛШ, секако, доколку успее да го мине австрискиот шампион Ред бул Салцбург.
Противниците во баражот секако не се посилни од Ред бул, бидејќи на подобриот од тој дуел „оди“ српската Црвена звезда или словачкото изненадување Спартак Трнава.
Во другите поинтересни делови од ждрепката, Динамо Загреб има „отворен пат“ до натпреварите по групи бидејќи го доби швајцарскиот Јанг Бојс доколку успее да го мине казахстанскиот Астана, додека најтесно ќе биде во потенцијалната пресметката на Бенфика или Фенербахче со грчкиот шампион ПАОК или со Спартак Москва. Исто така Ајакс, ако го мине белгискиот Стандард налетува на Динамо Киев или Славија Прага.
БАРАЖ ЗА ПЛАСМАН ВО ЛШ
Црвена звезда (Срб)/Спартак Трнава (Свк) – Салцбург (Авт)/Шкендија (Мак)
Карабаг (Азе)/БАТЕ Борисов (Блр) – ПСВ Ајндховен (Хол)
Јанг Бојс (Шва) – Астана (Каз)/Динамо Загреб (Хрв)
Малме (Шве)/Види (Унг) – Селтик (Шко)/АЕК (Грц)
Бенфика (Пор)/Фенербахче (Тур) – ПАОК (Грц)/Спартак Москва (Рус)
Стандард Лиеж (Бел)/Ајакс (Хол) – Славија Прага (Чеш)/Динамо Киев (Укр)
CONFIRMED: #UCL play-off draw ✅
Who will qualify? ? pic.twitter.com/XrSC3ySqla
— UEFA Champions League (@ChampionsLeague) August 6, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.
Спорт
Саудискиот нафтен гигант стана глобален партнер на ФИФА
Саудискиот нафтен гигант Арамко ќе стане главен глобален партнер на Меѓународната фудбалска федерација (ФИФА) до крајот на 2027 година, објави ФИФА.
Договорот, чија сума не беше објавена, му овозможува на јавното претпријатие на Саудиска Арабија да стане партнер на ФИФА „со права кои покриваат неколку настани“, вклучително и Светското првенство за мажи во 2026 година и Светското првенство за жени во 2027 година.
Саудиска Арабија, богата со нафта, но често критикувана за кршење на човековите права, веќе неколку години инвестира милијарди долари во спортот.
Инвестирањето во спортот е дел од стратегијата што ја води престолонаследникот Мохамед Бин Салман, како дел од големиот проект „Визија 2023“, чија цел е да го трансформира кралството во земја на бизнис и туризам и да ја намали неговата зависност од нафтата.
„Ова партнерство ќе и помогне на ФИФА успешно да ги испорача своите водечки натпреварувања во следните четири години и, како и сите други наши комерцијални договори, ќе ни овозможи да продолжиме да ги поддржуваме нашите 211 членки низ светот“, рече претседателот на ФИФА, Џани Инфантино.