Спорт
Ѓоковиќ со рутинска победа над Вердаско во четврт-финалето во Париз
Поранешниот светски број 1 и шампион од Ролан Гарос, Новак Ѓоковиќ се пласираше во четврт-финалето на Франција опен со рутинска 6:3/6:4/6:2 победа над ветеранот Фернандо Вердаско, за третпат по четири меча да победи Шпанец на земјените терени.
Со ова, …
Поранешниот светски број 1 и шампион од Ролан Гарос, Новак Ѓоковиќ се пласираше во четврт-финалето на Франција опен со рутинска 6:3/6:4/6:2 победа над ветеранот Фернандо Вердаско, за третпат по четири меча да победи Шпанец на земјените терени.
Со ова, Ѓоковиќ дојде до своето деветто четврт-финале на Ролан Гарос, израмнувајќи се со низата на Роџер Федерер. Надал има 12 четврт-финалиња и 10 титули од Франција опен и е убедлив „цар“ на црвената земја.
И покрај ова, Ѓоковиќ не беше задоволен од условите на теренот „Филип Шартие“, откако по крајот на првиот сет, кој го доби со 6:3 се расправеша со судијата велејќи дека „не сфаќа“ зошто тој не реагира.
Вердаско стигна во мечот со убава победа над Григор Димитров за по седми пат да игра во осминафиналето, но против Ѓоковиќ, кој игра сѐ подобро на турнирот, немаше вистинска шанса.
Следен за Ѓоковиќ е Италијанецот Марко Чекинато, кој во четири сета со 7:5/4:6/6:0/6:3 го изненади 12. носител на турнирот, Белгиецот Давид Гофан.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.
Спорт
Борусија сите вработени ќе ги носи на финалето со Реал
Борусија Дортмунд на 1 јуни на „Вембли“ ќе го игра финалето од Лигата на шампионите против Реал Мадрид, а челниците на германскиот тим покажаа зошто популарните „милионери“ се голем клуб и колку се грижат за луѓето, кои се дел од целиот проект.
Сите вработени во клубот, на број се 519, ќе бидат специјални гости на мечот за највредниот трофеј во клупскиот фудбал. Сите трошоци ќе бидат на товар на Борусија.
На трибините ќе бидат сите од хигиеничарките до директорите.
На овој начин клубот сака да изрази благодарност за сето она што го прават секојдневно и придонесуваат за успехот на Борусија.
Освен тоа, „милионерите“ во Лондон ќе ги однесат сите членови на нивната младинска школа од 12 до 19 години, за да бидат дел од големиот спектакл.
Борусија Дортмунд последен пат беше во финалето на Лигата на шампионите во 2013 година кога токму на „Вембли“, загуби од Баерн (2:1).