Спорт
Барселона зела кредит да исплати плати на фудбалерите
Фудбалскиот гигант Барселона подигнала кредит во висина од 150 милиони долари за да исплати плати на своите фудбалери, тврди весникот „Фајненшел тајмс“.
Фудбалскиот гигант Барселона подигнала кредит во висина од 150 милиони долари за да исплати плати на своите фудбалери, тврди весникот „Фајненшел тајмс“.
Новиот претседател на клубот Сандро Росел, кој пред еден месец го замени Хуан Лапорта, неодамна изјави дека клупската каса е празна и дека Барселона тешко ќе ги отплатува многуте кредити и позајмици што во изминатите седум години ги остави поранешната управа.
„Нашите доверители не мораат да се грижат, бидејќи Барселона е најголемиот клуб на светот. Малку ќе мора да штедиме и да пронајдеме нови извори на финансирање, а кредитот го земавме за навреме да ги исплатиме платите“, рече Росел.
Барселона веќе започна со продавање на фудбалерите како Украинецот Дмитар Чигрински, кого го продаде на матичниот клуб Шахтјор за 15. милиони евра. За Украинецот Барселона лани на Шахтјор му плати 25 милиони евра.
Поради долговите го продадоа и Јаја Туре на Манчестер Сити, за колку-толку да го покријат долгот од 40 милиони евра што ги дадоа за Давид Виља.
Иако директно не кажа, претседателот на Барселона навести дека трансферот на Сеск Фабрегас од Арсенал тешко ќе се реализира бидејќи Барса ги нема потребните 50 милиони. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.
Спорт
Хулкенберг од наредната сезона во Заубер
Германскиот автомобилист Нико Хулкенберг од 2025 година, ќе има нов работодавец. 36-годишникот ќе вози за тимот на Кик Заубер.
„Среќен сум што возам за Кик Заубер од 2025 година и што во иднина ќе го претставувам германскиот производител на патеките во Ф1“, објави Нико Хулкенберг на социјалните мрежи.
Од 2026 година во Заубер влегува германскиот производител Ауди.
Хулкенберг е член на тимот на Хас во тековната сезона, а неодамна беше објавено дека нема да ја продолжи соработката со американскиот тим.
„Хулк“ дебитираше во Формула 1 во 2010 година како возач на Вилијамс на Големата награда на Бахреин. Во меѓувреме освои една пол-позиција.
Во претходната сезона, Хулкенберг го заврши натпреварувањето на 16. место во генералниот пласман во Ф1 со девет бодови.
Спорт
(Видео) Кари е најдобар „клач“ игра во НБА
Кошаркарот на Голден Стејт, Стеф Кари ја доби наградата „Џери Вест“ која му се доделува на најдобриот играч на НБА лигата во решавачките моменти од натпреварите во регуларниот тек на сезоната.
Во НБА, последните пет минути од последната четвртина или продолжението кога еден од тимовите има најмногу пет поени предност е дефинирано како „период на одлука“.
Како што соопшти НБА, Кари победи со вкупно 298 поени, а зад себе ги остави Демар Дерозан (Чикаго) (272), Шеј Гилџис-Александер (Оклахома) (160) и Никола Јокиќ (Денвер) (85).
Тој во регуларниот дел постигна 189 поени, во решавачките моменти, Демар Дерозан 182, додека Гилџис-Александер постигна 112 поени.
Неговите Голден Стејт Вориорс не влегоа во плеј-офот, беа елиминирани од Сакраменто Кингс во првиот плеј-ин натпревар.
Кари оваа сезона имаше просек од 26,4 поени, 4,5 скока и пет асистенции по натпревар.