Марк Реншоу од Австралија со глава го туркаше Џулијан Дин од Нов Зеланд во финишот на 11 етапа, со што заработи исклучување од Тур Д Франс и 200 швајцарски франци парична глоба.

Марк Реншоу од Австралија со глава го туркаше Џулијан Дин од Нов Зеланд во финишот на 11 етапа, со што заработи исклучување од Тур Д Франс и 200 швајцарски франци парична глоба. На етапата долга 184,5 километри од Систерон до Бург Ле Валенс победи Марк Кевендиш од Британија (ХТЦ Колумбија) со време 4:42,29 а со исто време на целта влегоа уште 64 велосипедисти. Турканицата во таа група ја започна Џулијан Дин. Возачите како него се „чистачи“ кои обезбедуваат простор за специјалистите во спринт од своите екипи. Дин се обиде да загради цела страна доведувајќи ги во опасност другите возачи, со цел да обезбеди простор за  Американецот Тајлер Фарар (Џермин Транзишнс). Казнетиот Реншоу наместо со рамо се одлучи да возврати со глава, и поради невообичаеното туркање тој беше казнет. Како и да е Реншоу со својата постапка му отвори простор на победникот  Кевендиш, Петачи беше втор, а Фарар трет.  Додека во финишот само среќа ги спаси возачите да не направат карамбол, водечките во генералниот пласман влегоа во целта во истата група со победниците но не ризикуваа да бидат вовлечени во турканици во кои можат да настрадаат. Лутите ривали за победа на Тур Д Франс Енди Шлек и Алберто Контадор додека возеа еден до друг имаа време да си помуабетат. Зборевме за тоа кој каде ќе оди на одмор, изјави Шлек за новинарите. Во генералниот пласман и понатаму ништо не се менува. Контадор заостанува четириесетина секунди зад Шлек. Третиот Санчез, заостанува повеќе од двеипол минути, но сега во врат му дише Менчов кој уште во денешната 12 етапа од Бург Де Пенж до Менд (210км) може да му ја загрози третата позиција.  /крај/ап/м.н.