Спорт
Ѓоковиќ и Јанковиќ се намачија уште на стартот

Новак Ѓоковиќ беше на вистински маки во дуелот со неговиот соиграч од Девис куп репрезентацијата на Србија Виктор Троицки во првото коло на Флешинг Медоу.
Новак Ѓоковиќ беше на вистински маки во дуелот со неговиот соиграч од Девис куп репрезентацијата на Србија Виктор Троицки во првото коло на Флешинг Медоу. Троицки воопшто не ја респектираше третата АТП позиција на Ѓоковиќ. Сервираше како од катапулт, се множеа асови и поведе со 2:1 во сетови, со одлични шанси за вкупна победа во четвртиот сет. Но Новак не би бил тоа што е ако во најтешките моменти не ги одигра најдобрите удари. Мечот заврши со победа на Ѓоковиќ со 6:3, 3:6, 2:6, 7:5, 6:3. Во пет сетови играа и Марди Фиш – Јан Хајек (6:0, 3:6, 4:6, 6:0, 6:1), Арно Клемен – Маркос Багдатис (6:3, 2:6,1:6, 6:4, 7:5), Бенуа Пер – Рајнер Шутлер (6:3, 6:3, 4:6, 3:6, 7:6), Налбандијан – Де Воест (7:6, 3:6, 6:4, 6:7, 6:4) и Вердаско – Фоњини (1:6, 7:5, 6:1, 4:6, 6:3). Во останатите мечеви се постигнати следните резултати: Надал – Габашвили 7:6, 7:6, 6:3, Истомин – Гонзалес 7:5, 7:5, 6:1, Бенето – Штепанек 6:4, 6:2, 4:6, 6:4. Во женска конкуренција четвртата носителка Јелена Јанковиќ имаше проблеми да победи со анонимната Симона Халеп од Романија. По добиениот прв сет на Јанковиќ (6:4) се очекуваше брз крај на мечот, но Романката сервираше речиси двојно посилно и заслужено се реваншира со идентичен резултат во вториот сет. Решавачкиот сет беше одење по жица за Јанковиќ, која што направи многу неизнудени грешки но сепак се радуваше по победата од 7:5. Од носителките испаднаа Ли На од Кина (8) и Надја Петрова (17) од Русија. Украинката Катерина Бондаренко ја победи Ли На со 2:6, 6:4, 6:2, а Андреа Петковиќ од Германија ја елиминира Петрова со 6:2, 4:6, 7:6. Во останатите мечеви на ВТА турнирот во првото коло немаше изненадувања: Возниацки – Галиксон 6:1, 6:1, Лучиќ – Молик 7:6, 6:1, Кузњецова – Дате Крум 6:2, 4:6, 6:1, Резаи – Рибарикова 7:6, 7:6, Викмајер – Кудравцева 6:1, 6:2, Радванска – Чакветадзе 6:3, 6:3, Шарапова – Грот 4:6, 6:3, 6:1.крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ го заврши учеството во Доха, а Вердаско стави крај на кариерата

Новак Ѓоковиќ и Фернандо Вердаско го завршија учеството во двојки на турнирот во Доха. Овој меч беше последен во кариерата на Вердсако.
Подобри од српско-шпанската комбинација беа Хари Хеливар и Хенри Патен, инаку втори носители и актуелни шампиони на Австралија опен. Ѓоковиќ и Вердаско загубија со 2:0 (7:5, 6:4).
Вообичаено Ѓоковиќ е во центарот на вниманието на тениските мечеви, но овојпат не беше така. Ова беше збогување на Вердаско со професионалниот тенис.
Во првиот сет Ѓоковиќ и Вердаско немаа многу шанси, ниту една брејк топка. Хелиовара и Патен одиграа многу искусно и во 11. гем ја искористија четвртата брејк топка за водство од 1:0.
Тие веднаш направија брејк во вториот сет, а Ѓоковиќ и Вердаско не успеаја да ги искористат единствените брејк топки кои ги имаа во шестиот и осмиот гем.
На крајот по 81 минута турнирот заврши за Ѓоковиќ и во двојки, а кариерата заврши за Фернандо Вердаско.
По седум титули, вкупно 23 финалиња и преку 500 победи на АТП, Вердаско се прости од тенисот. Со Шпанија освои и три титули во Девис купот“ (2008, 2009, 2011), а неговиот форхенд и понатаму беше на завидно ниво, дури и во последниот меч во кариерата.
Најдобриот пласман на АТП листата му беше седмото место.
Спорт
Ракометарите и претседателот Мукаетов на гости кај американската амбасадорка, Агелер

Машката ракометна репрезентација на Македонија предводена од селекторот, Кире Лазаров, и од претседателот на Ракометната Федерација на Македонија, Живко Мукаетов, беше свечено примена во Амбасадата на САД, на посета на aмбасадорката, Ангела Агелер.
„Денес на покана на Амбасадорот на Соединетите Американски Држави, нејзината екселенција г-ѓа Ангела Агелер , беше одржан прием за машкиот сениорски национален ракометен тим. Во рамки на посетата претседателот на РФМ г-дин Живко Мукаетов и Селекторот г-дин Кирил Лазаров и подарија македонски дрес и топка своерачно потпишана од сите ракометари кои учествуваа на Светското Првенство 2025 . РФМ упатува голема благодарност за приемот и подршката која ја добива до Амбасадата на Соединетите Американски Држави“, објави Ракометната Федерација на Македонија на својата официјална фејсбук-страница.
Агелер беше забележана со Мукаетов на трибините на светското првенство во Вараждин додека ги бодреше македонските ракометари.
Спорт
Расел: Со Ферстапен сигурно нема да бидеме најдобри пријатели

Новата сезона во Формула 1 започнува на 16 март, а атмосферата веќе ја подигнаа Макс Ферстапен и Џорџ Расел. Возачите на Ред Бул и Мерцедес ја продолжија вербалната војна која започна минатата сезона на Големата награда на Катар..
Ферстапен доби казна на стратот, а трката во Катар ја стартуваше од пол-позицијата Расел. Британецот се жалеше дека Холанѓанеџот го попречувал додека бил во брз круг. Судиите ја уважија жалбата на расел.
Потоа Макс рече дека „ја изгубил секоја почит“ кон Британецот.
Во пресрет на новата сезона, Расел за Ферстапен изјави:
„Немам намера да разговарам со него, да бидам искрен. Не ми е гајле, сакам да се фокусирам на себе. Работите излегоа од контрола минатата година. Тоа беше тогаш. Нема да бидеме најдобри пријатели, тоа е сигурно“.
Макс возврати.
„Немам намера да продолжам каков било конфликт. Немам што да кажам на таа тема. Не сум загрижен за него или неговото возење. Јас нема да го сменам мојот пристап и начин на возење кога ќе се борам со него или со другите возачи“.