Спорт
Победа против Ерменија единствена опција за фудбалската репрезентација

Фудбалската репрезентација на Македонија, утре ќе го одигра вториот квалификациски натпревар за пласман на ЕП во 2012 година.
Фудбалската репрезентација на Македонија, утре ќе го одигра вториот квалификациски натпревар за пласман на ЕП во 2012 година.
Противник на „црвено-жолтите“, на арената „Филип Втори“ ќе биде репрезентацијата на Ерменија. По тој повод, селекторот Мирсад Јонуз, капитенот Горан Пандев и дефанзивецот Николче Новевски одржаа прес конференција.
„Направивме анализа на натпреварот со Словачка, кој незаслужено го загубивме, сега со мислите сме насочени кон утрешниот дуел со Ерменија. Станува збор за неатрактивен, но многу незгоден противник. Со мирна, трпелива и дисциплинирана игра ќе се обидеме да ги освоиме бодовите“, рече селекторот Јонуз.
За утрешниот натпревар со Ерменија, Јонуз најави промена во тактичката поставеност на играчите и тројца нови фудбалери во стартниот состав. Репрезентацијата ќе игра во формација 4-3-3, а сигурно е дека Александар Тодоровски ќе добие шанса да заигра на местото на суспендираниот Шиков.
Селекторот посакува отворање на резултатот во раната фаза од натпреварот, рецептот за успех треба да биде играта по бочните позиции.
„Ерменија е незгоден противник, поголемиот дел од играчите долго време играат заедно. Многу работат на теренот, очекувам својата шанса да ја бараат во контранападите. Ниски се по раст и ние ќе мора да ја искористиме нашата височина. Во нападот ќе играме со тројца офанзивни играчи, но ќе мора бековите со своите уфрлања од последната линија да ја отворат одбраната на Ерменија“, истакна Јонуз.
Предводникот на репрезентацијата, поради црвениот картон кој го доби на дуелот со Словачка, мечот со ерменците ќе го следи од трибините. Репрезентацијата од клупата ќе ја предводи помошникот на Јонуз, Влатко Костов.
Со констатациите на селекторот се согласува и капитенот Горан Пандев. Напаѓачот на Интер предупредува, дека по поразот од Словачка психолошкиот товар врз нашите репрезентативци сега е многу поголем.
„Нема да биде лесен натпревар, бидејќи во модерниот фудбал нема слаби противници. По случајниот пораз од Словачка, психолошкиот притисок врз нас сега е многу поголем. Ние немаме друг избор, едноставно мора да победиме“, вели Пандев.
Репрезентацијата на Ерменија веќе допатува во Скопје, вечерва од 19 часот тие ќе го одржат единствениот тренинг пред утрешниот натпревар, Македонија вечерва ќе тренира од 20:30 часот.
Утрешниот натпревар, Македонија-Ерменија, во рамките на квалификациите за пласман на Еуро 2012 ќе започне во 20 часот.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Светскиот првак со Германија го засили Монако

Германскиот центар Даниел Тајс официјално го засили Монако. Тајс по осум години минати во НБА, каде за шест различни екипи, остана без договор и реши да се врати во Европа.
Поранешниот играч на Бостон Селтикс, Чикаго Булс, Индијана Пејсерс, Хјустон Рокетс, Лос Анџелес Клиперс и Њу Орлеанс Пеликанс потпиша договор до летото 2026.
На 411 натпревари во најсилната лига на светот забележа 7,1 поен, 4,7 скока и 1.3 асистенции по натпревар.
Наводно светскиот првак со Германија, имал понуди да остане во НБА, но тој решил да се врати во Европа.
Во неговиот втор мандат во Бостон, тој играше во финалната серија во 2022 година против Голден Стејт Вориорс, во која калифорниската франшиза победи по шест натпревари.
Кариерата на 32-годишниот кошаркар започна во Брауншвајг, а играше и за Улм и Бамберг во родната земја.
Тајс може да се пофали со светска титула од Филипините во 2023 година и бронза од Европското првенство во 2022 година во Берлин.
Тимот на Василис Спанулис е четврти во поредокот во Евролигата со 16 победи и 10 порази.
Монако ќе се соочи со Олимпија во Милано на 27 февруари, а до крајот на регуларниот дел од сезоната остануваат уште осум кола.
Спорт
Смртни закани упатени кон судијата Монуера Монтеро и неговото семејство

Судијата Хозе Луис Мунуера Монтеро, кој му покажа црвен картон на Џуд Белингем на натпреварот Осасуна-Реал Мадрид, ги оневозможи коментарите на Инстаграм бидејќи почнал да добива смртни закани.
За потсетување, натпреварот заврши 1:1 по головите на Килијан Мбапе за Реал и Анте Будимир за Осасуна. Реал од 39. минута играше со фудбалер помалку по исклучувањето на Џуд Белингем.
На англискиот репрезентативец му беше покажан патот во соблекувалната по пцовките упатени до главниот судија, но од Реал тврдат дека Белингем бил погрешно протолкува од судијата, бидејќи не го разбира добри англискиот јазик.
Тренерот на Реал, Карло Анчелоти ги учеше новинарите на разликата помеѓу изразот „да ти е.ам“, што го употреби Белингам и „е.и се“, за кој судијата мислеше дека Белингам го кажал и за кој му дал црвен картон.
Тој црвен картон дополнително ги налути навивачите на Реал Мадрид кои исто како и клубот веруваат дека намерно им се нанесува штета за време на натпреварите во шпанското првенство.
Некои од нив претераа и почнаа да му се закануваат на судијата со смрт.
Според „Мундо Депортиво“, на Инстаграм профилот на судијата Монуера биле испратени илјадници вербални закани. Некои од нив имале емотикони од свињи и стаорци, но некои вклучуваа и закани кон него и неговото семејство.
Спорт
Евролигашите во Шпанија, Италија и Франција поразени во Куп финалињата

Три евролигашки екипи, кои во моментов се борат за пласман во нокаут фазата од елитното натпреварување, доживеаја убедливи порази во натпреварите, во кои се бореа за трофејот во Купот на своите држави.
Реал Мадрид во реприза на ланското финале во Купот доживеа пораз од Уникаха.
За Андалузијците ова беше трето финале во Купот во последните шест години и втор трофеј во последните три сезони. Во единственото финале што го загубија, во сезоната 2019/2020 беа поразени од Реал Мадрид.
Конечниот резултат од 93:79 во корист на тимот на Ибон Наваро покажува дека Уникаха доминираше во текот на целиот натпревар. Уникаха го освои третиот трофеј од почетокот на сезоната, откако претходно го освои Суперкупот на Шпанија и Интерконтиненталниот куп на ФИБА.
Реал го растурија Кендри Пери и Дејвид Кравиш, погодија девет тројки од 11 обиди. Кравиш (5/6 за три) постигна 22 поени, а Пери (4/5 за три) мечот го заврши со 27 поени и на крајот беше прогласен за МВП на завршниот турнир.
Претходно претставникот од Еврокупот Тренто убедливо го совлада Армани Милано со 79:63 и за првпат го подигна пехарот наменет за освојувачот на Купот на Италија.
Најзаслужни за триумфот на Тренто беа Форд со 23 и Елис со 14 поени, додека тимот на Армани, како и обично, го предводеа Миротиќ со 20 и Ледеј со 12 поени.
Сепак најголемото изненадување го направи Ле Ман. Во финалето на Купот на Франција над Монако со 104:96. Трејвор Хигинс со 25 поени (пет тројки), го предводеше Ле Ман и го доби трофејот за најкорисен играч на турнирот. Кај Монако Мајк Џејмс постигна 29 поени.
Ле Ман моментално е шести на табелата во француската ЛНБ лига, а ова беше прв трофеј на клубот во Купот по девет години.