Бобан Николов, репрезентативец на Македонија, кариерата ќе ја продолжи во Италија. Николов, во текот на денот, треба да ги мине лекарските прегледи во Лече, а потоа и да потпише договор со овој тим.

Николов, од 2018 година играше во тимот на Фехервар, претходно кариерата ка градеше во Виторул од Констанца и Вардар.

Играчот од редот за врска ќе треба да му помогне на Лече, експресно да се врати во Серија А.

Лече, по 18 натпревари во Серија Б, се наоѓа на петтото место на табелата со 29 бода, осум помалку од водечкиот Емполи.

Николов ќе биде второто засилување за Лече во зимскиот преоден рок. Тимот од југот на Италија, во неделата потпиша договор со Данецот од Адмира Вакер, Хјумланд Мортен.

Светската фудбалска федерација (ФИФА), ја потврди суспензијата на десниот бек на Атлетико Мадрид, Киран Трипие. Англичанецот нема да може да игра до 28.февруари.

Трипе е казнет бидејќи ги прекршил правилата на Фудбалската асоцијациа на Англија (ФА), која се однесуваат на обложувањето. ФА, регистрирале седум прекршоци, фудбалерот ги отфрли, но тие сепак по четири точки го прогласија за виновен.

Трипие ги прекршил правилата во јули 2019 година, пред да го официјализира трансферот од Тотенхем во Атлетико.

ФИФА, на 3.јануари, привремено му ја укина суспензијата, поради што тој настапи во дербито против Севилја. На 12.јануари, во победата на Атлетико од 2:0, Трипие беше еден од најдобрите играчи на теренот.

„Дисциплинската комисија ја потврдува одлуката на ФА. Санкциите за Трипие важат за сите официјални натпревари во светот“, стои во соопштението на ФИФА.

Суспензијата ќе го оддалечи Трипие од првиот осмина-финален натпревар во Лигата на шампионите против Челси.

„Ќе го остварам сонот кога ќе потпишам договор со Фенербахче“, рекол Месут Озил по доаѓањето во Истанбул. Поранешниот германски репрезентативец, претходните седум и пол години ги мина во Арсенал.

Озил со Фенербахче ќе потпише три и пол годишен договор.

„Возбуден сум, отсекогаш сум бил навивач на Фенербахче. Ми се остварува сонот. Се надевам дека ќе имам многу успеси во дресот на Фенер. Бог да ги благослови нашите навивачи бидејќи секогаш не поддржуваат. Пресреќен сум што сум овде“, рекол Озил.

💛💙 pic.twitter.com/xqIFrr9Iwb

— Mesut Özil (@MesutOzil1088) January 17, 2021

32-годишниот фудбалер, не одиграл официјален натпревар од март минатата година. За него немаше место во плановите на менаџерот на Арсенал, Микел Артета. Последните неколку месеци дури и не тренираше со првиот тим.

Озил во кариерата играл во Шалке, Вердер и Реал Мадрид. Со Германија во 2014 година стана светски првак.