Спорт
И Црногорците ќе влезат во БИБЛ лигата

Генералниот спонзор на кошаркарската балканска (БИБЛ) лига, компанијата Еврохолд, Асен Христов, потврди дека се водат отворени преговори со Кошаркарската федерација на Црна Гора за вклучување на екипи и од оваа земја во второто издание на БИБЛ лигата следната сезона.
Израелците веќе потврдија дека една нивна екипа следната сезона ќе се приклучи во ова натпреварување, што ќе му даде една посебна тежина на ова натпреварување веќе во втората година од одржувањето. „Како спонзори сме исклучително задоволни од оваа сезона и од рекламата во регионот. Докажавме дека им даваме шанса на младите кошаркари, а наша идеја е во иднина БИБЛ лигата да биде најсилното кошаркарско натпреварување во регионот“, изјави Асен Христов. Во првата сезона од БИБЛ лигата Македонија со двата преставника обезбеди пласман на Фајнал-Фор турнирот кој ќе се одржи во Самоков. Ф. Работнички и Фени И. меѓусебе ќе одлучуваат кој ќе игра во финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Брилијантниот Дончиќ ја растури Италија

Словенија се пласираше во четвртфиналето на Евробаскетот откако ја победи Италија во осминафиналето со резултат 84:77.
Апсолутен херој на триумфот на Словенија е Лука Дончиќ. Суперѕвездата на Лејкерси одигра натпревар за паметење, постигна 42 поени (611 за три), со 10 скока . Кај Словенците двоцифрен беше уште само Клемен Препелиќ со 11 поени.
Дончиќ стана првиот кошаркар во последните 36 години кој постигнал 30 или повеќе поени во едно полувреме, по грчката легенда Никос Галис.
Лука Дончиќ е третиот играч во последните 30 години кој постигнал 40 или повеќе поени и 10 или повеќе скока на натпревар од Евробаскетот, по Дирк Новицки во 2001 година против Шпанија (43 поени, 15 скока) и Пау Гасол во 2015 година против Франција (40 поени, 11 скока).
Словенија победата ја најави со извонредната прва четвртина која ја доби со 29:11. Италија во финишот успеа да се доближи на само поен негатива, но Дончиќ го одби налетот.
Италија ја предводеа Симоне Фонтекио со 22 поени и пет скока, додека Нианг постигна двоцифрен број поени со 12 поени и шест скока – иако го напушти теренот на половина од четвртата четвртина поради пет лични грешки. Данило Галинари заврши со 10 поени, ова беше негов последен натпревар во дресот на репрезентацијата.
Во четвртфиналето, Словенија ќе игра против Германија, која беше убедливо подобра од Португалците во осминафиналето.
Спорт
Ферстапен ја освои Монца пред возачите на Мекларен

Холанѓанецот Макс Ферстапен, четирикратен последователен светски шампион, убедливо триумфираше во трката за Големата награда на Италија по 53 круга на патеката во Монца.
Возачот на Ред Бул водеше од почетокот до крајот, откако ја започна трката од пол-позицијата, и ја забележа 66-тата победа во својата кариера и третата во оваа сезона.
Подиумот го пополнија возачите на Мекларен, Британецот Ландо Норис ја помина целта втор, а Австралиецот Оскар Пјастри трет.
Кулминацијата на нивниот дуел се случи помеѓу 47-от и 49-от круг – Пјастри го престигна Норис кој изгуби многу време во префрлањето на меки гуми, дури 5,9 секунди, што не беше план на тимот од Вокинг.
Пјастри, лидерот во генералниот пласман, направи предност од речиси две секунди, по што дојде наредба од тимот да го пропушти Норис.
Во целта и Шарл Леклер односни=о Џорџ расел ги задржаа позициите што ги имаа на стартот, четврти и петти. Зад нив следуваа Луис Хамилтон, Алекс Албон, Габриел Бортолето, Кими Антонели и Исак Хаџар.
Најбрзиот циркус во светот се сели во Азербејџан за две недели, а пред возачите во светското првенство е градска трка низ улиците на Баку.
Спорт
Уште една сензација на Евробаскетот – Грузија ја елиминира Франција

Кошаркарите на Грузија ја победија Франција со 80:70 во натпреварот од осминафиналето на Евробаскетот, во следната рунда ќе играат против Финска, која ја елиминираше Србија.
Селекцијата на Фредерик Фоту во најголемиот тек од натпреварот ја бркаше негативата, крајот подлегна на притисокот. Избраниците на поранешниот македонски селектор, Александар Џикиќ приредија првокласна сензација совладувајќи ги олимписките вицешампиони со 80:70.
Торнике Шенгелија и Камар Болдвин беа најефикасни во редовите на Грузија со по 24 поени. Александар Мамукелашвили го постигна 14 поени.
Французите ужасно шутира ана овој натпревар, промашија дури 29 тројки (6/35), што е најмногу откако ФИБА води статистика.
Силван Франциско постигна 14, а Гершон Јабуселе 12 поени.
foto/ EPA