На денешен ден пред 39 години е роден италијанскиот фудбалер Винченцо Јакинта кој е легенда на тимот на Удинезе, за кој настапуваше од 2000 до 2007 година. Потоа тој потпиша за шампионот Јувентус со кој во 2013 година го подигна најсјајниот пехар во „Чизмата“.

Сепак „шлагот на тортата“ за голгетерот од Калабрија е освојувањето на светската титула со Италија, на мундијалот во Германија во 2006 година.

Ова се убавите работи за Јакинта, сега и за оние лошите.

Јакинта е осуден на 2 години затвор поради соработка со мафијата. Во неговата куќа во декември 2015 година е пронајдено оружје и го обвиниле дека истото имал намера да го продава на мафијата. Неговиот татко Џузепе во истиот судски процес заработил 19-годишна затворска казна.

Во продолжение дел од најубавите фудбалски моменти во кариерата на Јакинта:

Левиот бек на ракометниот клуб Вардар, Црногорецот Вуко Борозан не може веќе да одолговлекува, ќе мора да оди на операција на коленото, информираат од македонскиот шампион.

Ова се непланирани главоболки за тренерот Парондо поради тоа што Борозан сигурно ќе ги пропушти мечевите против Мешков и Киелце во Лигата на шампионите, но и натпреварите против Металург, Железничар, Татран Прешов и Стеауа во регионалната СЕХА лига.

Црногорецот подолг период се мачи со повредата, но сега ризикот се зголеми и управата реши тој веднаш да оди „под нож”. Борозан ќе може за опоравување да го искористи периодот додека трае ракометниот мундијал во Германија и Данска, за да биде фит напролет, за новите предизвици со клубот.

Во продолжение погледнете ги „ракетите“ на бекот на мечот против Барса во Шпанија.

Ноќеска во НБА лигата на четирите одиграни средби имаше многу убави потези, но само пет од нив влегоа во топ 5 листата.

Во Орландо беше најатрактивниот потег, во главната улога беа Фурние и Грин.

Французинот имаше соло акција и потоа атракција за израмнување, му заби „in face“ на Грин кој потоа го возврати ударот и му донесе победа на Торонто.