Спорт
Ливерпул и Челзи повторно заедно
Четврт финалињата во знак на англиската пресметка меѓу Ливерпул и Челзи.
Познати се двојките за 1/4-финалето во Лигата на Шампионите. Ждрепка во седиштето на УЕФА во Нион сакаше во оваа фаза од натпреварувањето силите да ги одмерат:Виљареал – Арсенал,Манчестер Јунајтед – Порто,Ливерпул – Челзи,Барселона – Баерн Минхен.Првите мечеви од 1/4-финалето се играат на 7 и 8 април, реваншите се на 14 и 15 април. Во полуфиналето, кое на програмата е на 28/29 април и 5/6 мај, ќе играат:Манчестер Јунајтед/Порто – Виљареал/АрсеналБарселона/Баерн – Ливерпул/ЧелзиФиналето од ЛШ се игра во Рим на 27 мај.И во седиштето на УЕФА во Нион беше извршена ждрепката за 1/4-финалето во Купот на УЕФА.Ждрепката сакаше во оваа фаза од натпреварувањето силите да ги одмерат:Хамбургер – Манчестер Сити,Парис Сент Жермен – Динамо Киев,Шахтјор – Марсеј,Бремен – Удинезе.Првите мечеви од 1/4-финалето се играат на 9 април, реваншите се на 16 истиот месец, додека полуфиналињата на програмата се на 30 април, односно 7 мај. Во полуфиналето ќе се сретнатПСЖ/ Динамо Киев – Шахтјор/ Марсеј иХамбургер/Манчестер Сити – Вердер/Удинезе.Финалето од Купот на УЕФА е на 20 мај во Истанбул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.

